[ابو محمد الدعجاني]

المشاركة الأصلية كتبت بواسطة هلال العتيبي

الورقة 11
وكل عام وانتم بخير

حلى المشاعر نوّخــت عند بابك= تستأذنك حتـى تهنيـك بالعـيـد
يزفها قلبـي لحظـرة جنابك= تقبل الله صومـك وعيـدك سعيـد
العيد طرز فرحته فـي ثيابـك = ومن ضحكتك واشراقتك نوره يزيد
قلبي وروحي سايرة في ركابك =تمشي معك من دون شرط(ن) ولا قيـد
ان جيت قالت كلها ياهـلا بـك = وان غبت ترحل خلفك وتطوي البيد
اضيع واذبل وانطفي في غيابك =وبكل تأكيـد اغـرق بكـل تأكيـد
مااقول غير الله يحفظ شبابك=ويحميك من عين الحسد والمناقيد
متميّزٍ : حتى زعلك وعتابك=احلى من انواع العنب فالعناقيد
عسى الزمن لو زاد خطبه يهابك =يدفع بلاه بعيـد وبعيـد وبعيـد

الله عليك اخوي هلال صح السانك يالغالي وعساك من عايد العيد .