أخوكم محمد بن علي العتيبي (أبوهوازن) يتشرّف بمشاركتكم للمرة الأولى ويضع بين أيديكم هذه المشاركة المتواضعة والتي يرجو أن تنال قبولكم
ورضاكم مع أطيب التحايا والأمنيات :
سلام يادار(ن) حبيبي سكنها=وسلام يادرب(ن) قدمها توطّاه
أعانق أطلاله واقبّل شجنها=والذكريات الخالده حول مبناه
ردي صدى صوتي وهاتي علنها=قولي لي الوجهه ومن وين ممشاه
قالت عتابي فالحياه (إ)لزمنها =اللي غدربي مستعين(ن) بدنياه
خلا هلي ترحل وتترك وطنها=الزّمل روّح والدلو ضاعت ارشاه
يادار لاتبكين شدي رسنها=حبي توفى ولازم اليوم أنا انساه
أبا احفر الحفره وازهب كفنها=وادفن رفاته فالمرابع ومرباه
وانا لي الله والجلاده ضمنها=والصبر والسلوان واحيا بذكراه