[طلال ناشي]

بعد التحية ,,,

ياصحابنـا الحظـار والغايبينـا = لن كان منتم من هل القال والقيل
وصول أبو خالـد لـزومٍ علينـا = الدين يلزمنـا وسلـم الرياجيـل
هذي سلـوم أجدودنـا الأولينـا = اللي منازلهم ورى كشب وكحيل
فـلاح دام الحبـل بـاقٍ متينـا = في حق مثلك ماتفيد المراسيـل
لاتحسبنـا بالقصيـد أكتفيـنـا = بكره نجيك ونوفي الصاع والكيل
نبي نعزَي لو وش فـي يدينـا = هذي حياة الناس جيلٍ بعد جيـل
الموت لوغيـب حـدي والدينـا = نبكي ونمسح دمعنـا بالمناديـل
ونطلب ولَي الكون ونرفع يدينـا = اللي بفضله يغسل الأرض بالسيل
يرحم جميع أمواتنـا المسلمينـا = اللي يصلون الضحى وأخر الليل
يامـا تصبرنـا ويامـا بكيـنـا = وياما سقانا الوقت سم الغرابيـل
الله يعافـيـكـم ولا يبتلـيـنـا = ياهل العزى لو الليالـي مقابيـل

إنَ لله وإنَا إليه راجعون

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com