[سلطان ابن حامد]

المشاركة الأصلية كتبت بواسطة سلطان بن دحيم

اليكم هذه الابيات للتواصل ولعلها تنال اعجابكم ..

بحر القصيد اللي ليا هبـت النـود=ايهيـب الشعـار قـو اصطفاقـه
بأمر الله اعومه على خير واعـود=بالجوهـره والله وهبنـي ليـاقـه
والجوهره تزهها نحر صفوة الخود=اللي لها بأغلـى الجواهـر علاقـه
خل صطا فيه سهم نجلـه السـود=وحمى خفوقي منـه تـم اختراقـه
واصبح غلاه يزود لو هجره يـزود=بعد حصل لي من رحيقـه ذواقـه
بين الحنايا حل مـا عنـه منشـود=ورجم الغلا اللي فأيسر الصدر واقه
مير البلاء ريع المحبيـن مسـدود=واهل الحسد كل(ن) على عظم ساقه
وحبي له ابيض وجه والسلم ممدود=سلم الرجال اهل الشرف والطلاقه
وما قدر الله كان ماهـوب مـردود=والحـب باقـي ويتوسـع نطاقـه

وحبي له ابيض وجه والسلم ممدود=سلم الرجال اهل الشرف والطلاقه


وأنت أبيض وجه يالسمّي ..

أقسم بالله إنها من أعذب ماقرأت من فتره ..

ابدعت وامتعت ولا يستغرب منك ..

صح لسانك بحجم إبداعك ..

تقديري لك ،،

التوقيع

توترتي هنيـّا : )