ماكان خافي بالأمس اليوم بيـن لـي =والناس ماادري وش اللي في روابعه
وقناعة النفس تكفينـي وفخـرٍ لـي =كنزٍ للأجواد تغنـي عـن مطامعهـا
لكني احرصٍ على العاقل رفيق لـي =اللـي نشـا بالرجولـه ماتصنّعهـا
اللي خويّـه يـروح ومنـه ماملـي =ونفسه على العـز والتقديـر رافعهـا
وأن جات شدّه وضيقه صار عضدٍ لّي =ورجله عن العيب والمنقـود مانعهـا
ويدرى كلامة عن المنقـود والزلـي =والأذن سكّر عـن النمّـه مسامعهـا
ومن رفقة الجاهل الغـاوي يزولّـي =عـدو نفسـة علـى ماقـال بايعهـا
الجاهل اللي علـى الغـرّات متعلـي =والناس ماهو بمعجب فـي صنايعهـا
وشين الخبر به يجر الصوت ويهلـي =ويفرح على الناس ويقلّـب مواجعهـا
متهـوّرٍ فالزمـان وعجـل ومولـي =وفي عجّته صيدتـه دايـم مضيّعهـا
هذا الذي رفقتة تجلـب لـك الذلـي =ومن يشتـري رفقتـه لازم يرجعهـا
والا دخـل مشكلـه ماعـاد تنحلـي =وتصير غلطة زمن تتعـب مرقّعهـا