أعتذر للقراء عن الموضوع إذا به إخلال بالذوق العام
لكن عذري الوحيد: القصيدة جات كذا
:
:
:
فـــي حـيّ قـــروى وقّــفـتـنـي بـنـيّه= الـطـول فــارع بــس سـمرا شــويّـــه
قـــالت تـوديـنـي لـشـرق الـحـويّـــة =وإذا وصــلــنـــا هـنـاك نـبنقضي الدين
نـجـلـس أنــا ويـاك بـأرضٍ براحي= صدري مراحك وأنت صدرك مراحي
ونشوف هل يغلب سلاحــك سلاحي= لا إذن تـسـمـعـنا ولا نـاظـرت عــيــن
وبـــعـــدها مـسـمـوح تــرجع لبيتك= ما كـــــنّ تـعـرفــنـي ولانــــي لـقـيتك
وارجـوك تـنـساني بـسـرعة فـديـتك =لأنـــك تـبـي تـلـعـن أبو الـحـظ بـعدين
يا نــاس أنــا مالي وهــذه المـصيبة= الـــبـــنــت حـــلـــوه والــحـويـة قريبه
لـكـنـنـي خـايــف قـــبــيـلــة عـتيـبة = أخــاف ربـعـي يـسـألـونـي على وين؟
ومــــوتــري تـعـبـان حـالـه كحالي =يـــادوب أقـضـي بـه مـقـاضي عيالي
غـالي ويـبقى موتــري رأس مـالي = فـــي الخط مـا يصرف رياليـن بنزين
قرّرت أركّبها وفي شــارع الجـيش = طـبـيـت فـي زحـمـة ومـركـز تفاتيش
قــالوا إسـتـماره قـلت والله مافـيش = رهـنـتـها في المـغـسـلـة قـبـل يـومـيــن
جـــاني رقـيـبٍ منـطـعـج كنّه العنز =يــآمر جــنــوده يـآخذوني على الحجز
ما قــدّر ظروفي عسى عيونه النقز =مــا قـــدّر إنــي مــن جماعة قــريـبين
قــــال الـنـظـام ومــا تــفـيـد القبايل=قــلــت الـنـعـم نـشـمي وراعي جمايل
لــيـتـك تـجـمّـل يا ســلـيل الحمايل = ربـعـك كـرام وذكرهم دايمٍ زيــــــــن
صــبـتـه بـمقتل يوم وصله كلامي =لأنــــــه بـخـيـل وكان جــدّه حـرامــي
ورُب رمــيه جـات من غير رامي = ورُب كــلـمـة عـــادلــت قـول ثـنـتـين
آمـنــت بالـلـي قــدّر الــكـون كـله = وحــسـبي عـلى اللي يحـرم الخلّ خلّـه
الــبـنـت راحــت صـوّبـتـنـي بعـلّه = وأنــا على الضبط الإداري إلـى الحين
قروى , الحوية, من أحياء مدينة الطائف
محمد الثبيتي