يا مرحبا ترحيب مقرون بالطيـب ... بضيوفنا اللي قبل فتـرة معازيـب

[حمود غنام المرزوقي]

قصيدة ترحيبية في حفل الشيخ / حمود بن حشار المرزوقي البقمي.
الذي أقيم في جدة لبعض مشايخ عتيبة حضره عدد من مشايخ واعيان البقوم وعتيبة ليلة الجمعة 5/11/1428هـ

يا مرحبا ترحيب مقرون بالطيـب = بضيوفنا اللي قبل فتـرة معازيـب
يوم أعزمونا في مزايـن عتيبـة = استقبلونـا بالشحـم والتراحيـب
انتـم عتيبـة طيبـكم وارثيـنـه = مثل الحرار اللي برؤس المراقيـب
تاريخكم من يوم عصر الصحابـه = وافعولكم ما تقبل الشـك والريـب
يا نعم والله يـا رجـال المواقـف = اليا عوى ذئب الخطر في المجاذيب
انتم هل الفزعات نخـوة وشيمـة = بالعرف والا بالسيوف المحاديـب
وحنا البقوم أهل العلوم الجزيلـه = نارد ليا منه عوى الذئـب للذئـب
اليا احتزمنـا واعتزينـا وردنـا = ما نشرب الا من قراح المشاريـب
لا جالت فعول القبايـل وصالـت = حنا البقـوم مدركيـن المطاليـب
يا مرحبا عـن عزوتـي بالنيابـه = سمو البقوم مكمليـن المواجيـب
الله يحييكـم عـدد مـا مشيتـوا = ويضا عدد ما تطلع الشمس وتغيب
من غير ناقص في جميع القبايـل = عادات ربعي تجزي الطيب بالطيب

حمود غنام المرزوقي البقمي