انعقد سجنه وربعه تنتظـر فـك السـراح (( مؤثرة )) .

[منصور بن فهيد]

هذه قصيدة تحكي قصة مأساوية حدثت لشخص يدعى : سلطان بن رباح الذي كان له أخ لم تلده أمه أخ دنيا ودين هو محمد بن عقيل
وكانت صداقتهم على وضح النقا ومن كثر ما يكنه سطان لأخيه وصديقه محمد أسمى ابنه البكر محمد على اسم صديقه وكانا يشتركان في حبهما لهواية الصيد وفي احدى رحلاتهما للصيد وفي وقت الظهيرة كان محمد يجهز الغداء وسلطان ينظف السلاح ومن غير قصد وبدون علم بوجود الطلقة في مخزن السلاح انطلقت الرصاصة لتسكن في قلب محمد وترديه صريعا ولم يكن عندهما أحد ليشهد بما حدث فعاد سلطان لأهلهما وأخبرهم بما حصل فتم ايداع سلطان في السجن بتهمة القتل وبدأت المشايخ والوساطات بالتوافد على أهل محمد كي يصفحوا عن سلطان ولكن بدون جدوى وصدر الحكم عليه بالقصاص وبعد تنفيذ الحكم ومصادفة ً أصبح قبر سلطان ملاصقا لقبر صديقه محمد ، وهذه القصيدة تحكي ما حدث بالتفصيل حيث قال شاعرها :

يا فلاح الهم خيّم فوق قلبـي يـا فـلاح=كيف تبغاني اسولف وانت خابرني عليـل
ويش قولك في عليل ٍ في حياته ما استراح=تنتثر دمعة عيونه لا ظلم الليـل الطويـل
حالته لا ما تباعد حال سلطـان الربـاح=بالخطأ راحت حياته والخطأ مالـه مثيـل
كان ويّا صاحبه اثنين فـي أرض ٍ بـراح=يطردون الصيد دايم من صبح لين المقيـل
اجمعتهم صحبة الدنيا على جـد ومـزاح=ما يهابون الليالي والحمول اللـي تميـل
ما قتل عامد ولكن ثوّر ابليـس السـلاح=بالخطأ ثار السلاح وين يلقـى لـه دليـل
انعقد سجنه وربعه تنتظـر فـك السـراح=والأكيد انه سجين وما رضوا ربع القتيـل
هل دمعه يوم صلـى ركعتيـن فالصبـاح=في نهار الجمعة اللي من ثقيل ٍ في ثقيـل
هلّل وكبّر ونفسـه تذكـر اللـي راح راح=كان في ربعه عزيز وذلّه الوقـت الذليـل
لا محمد لا تهاني لا سعـود ولا صـلاح=كلهم كانوا على باله وهمّـه فـي هديـل
طفلة ٍ ما كمّلت عامين صايبهـا كسـاح=وانتثر دمعه وحاله مـن سبايبهـا نحيـل
حان تنفيذ القصاص وغطوا الراس بوشاح=وجاك سيّافه يشيل السيف ابو حد ٍ صقيـل
ارتخى راسه وزاد الموقف الحامي صياح=بين نوح وبين دمع وبين صيحات وعويل
وارتفع صوت الحشود وزاده محمد وصاح=يا يبه تكفى دخيلك تستمع قـول الدخيـل
يا يبه وشلون نصبر كيف نهجع بارتيـاح=وانت من دنيا عيالك ماخذك مر الرحيـل
يا محمد هاك علمي واحفظه قبل المـراح=انتبه لاخوانـك وبالـك عليهـم لا تعيـل
والله الله فالصلاة وفالصيـام وفالصـلاح=والله الله فأمكم والله لكـم بعـدي كفيـل
غمّض عيونه ونفسه تطلب الله السمـاح=رافـع ٍ سبابتـه مظلـوم والله الوكـيـل
سل سيّاف الصفا سيفه ودقـه ثـم طـاح=رأس سلطان المراجل وانتثر دمـه يسيـل
غسلوه وكفنوه وفاح طيب السـدر فـاح=وبالمصادف صار قبره جنب قبر ابن العقيل
يا فلاح الكارثه ما هي سوالف يـا فـلاح=خلني ساكت ودوّر غيـر هالقصـه بديـل

رحم الله الاثنان واسكنهما فسيح جناته وعفا اللهم عنهما .

للأمانه منقول .

التوقيع

man.9.our@hotmail.com

[مرزوق حمدان العتيبي]

....
.

دائم وانت متميز في رقي ذوقك
وحسن انتقاءه قصيده منها فوائد ..
...يعطيك العافيه يامنصور
.......

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خلف بن مرزوق]

...
..

الغالي : منصور

ابيات في قمة الروعة

رغم ان قصتها مؤثرة جدا

دمت بهذا التميّز


موودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[منصور بن فهيد]

الغالي : ابو محمد ..
تسلملي ويسلم ذوقك ..
واسعد اللحظات هي مرورك من هنا ..
شاكرلك حضورك وتشريفك ..
تحياتي وتقديري..

[منصور بن فهيد]

الغالي : ابو مرزوق ..
الله يسلمك ويخليك اخوي ..
والاروع هو تشريفك وحضورك ..
ولاهنت يالغالي ..
تحياتي وتقديري..

[ابـن نـعـيـس]

يعطيك العافيه


بيض الله وجهك


تحياااااااااااااااااااااااااااااتي

التوقيع