حافظ على دينك وخمس الصلوات ....واحذر تدخل بين بايع وشاري

[آلاد غنـــام]

ياحمود نزل من حطب كشب دفعات = فالرقه اللي دون بيت الحداري
عرنٍ حمر يسرج ليا عشر ساعات =نجذي عليه دلالنا والغواري
نبا انّظم فوقهن شعر وابيات =يطري عليه من حياتي طواري
خمسين عام اللي مضت كن ماجات =لاتجرتن عندي ولامن مصاري
واحذر زمانٍ طالعٍ فيه اشارات=غفلة شباب وصاحي القلب داري
كثرت ذنوب الناس في كل حزات =ويطلع فسادٍ فالبحر والبراري
والحرب باقله على الناس ويلات =مثل المعاصي يذهبن الذراري
حافظ على دينك وخمس الصلوات =واحذر تدخل بين بايع وشاري
واخذت لي في نجد اناسه وجولات =واليوم طبق دفتري مثل غاري
وان مت قبري خابره يم سفوات=ولا ادفنوني عند بير الكعاري
في عبلةٍ بين الهضاب المنيفات =قبري خلا تذري عليه الذواري
من شان يطاني من البدو مرات =يدعولي ولا يجي في طاري
وبديارنا ياحمود حيين واموات =مسكانّا فيها ومن مات ضاري
ياما مكثنا يمها من سنوات=منزالنا فالقاض ولا الصفاري
ويوم الحياه الطيبه والرغانات =تلقا الضبا فيها وجول الحباري
وياما دفعنا من عشاير وخلفات =يوم اصطفاق البدو فوق الخباري
ملحٍ تصدر من خباري العبيدات =تسمع هدير جمالها فالغداري
وان كثروا العربان ولا الغنم جات =سقنالها المقهور فارضٍ قفاري
وان دكو الزمل الضحا والدبش بات=راع الغنم ماله نصيبٍ مباري
عسولهم قفرٍ يجي خمس شدات=ماتسمع الا فيه حس الزواري

للشاعر / دحيــــم بن رشيد الغنــــــــامي

[محمد العتيبي]

صح لساانه .. وصح لساانك ..

بيض الله وجهك على القصائد الثمينه ..

تحيتي لك
..

التوقيع

للتواصل عبر twitter تويتر al_bargawy@

[حاكم الغنامي]

وان مت قبري خابره يم سفـوات
ولا ادفنوني عنـد بيـر الكعـاري
في عبلةٍ بين الهضـاب المنيفـات
قبري خلا تذري عليـه الـذواري
من شان يطاني من البـدو مـرات
يدعولـي ولا يجـي فـي طـاري
وبديارنا ياحمود حييـن وامـوات
مسكانّا فيها ومن مـات ضـاري


........................

يدعولـي ولا يجـي فـي طـاري

يدعولـي ولا يجـي فـي طـاري

يدعولـي ولا يجـي فـي طـاري



ياسلام على الابدااااااااع


صح لسان ابو حمود

وسلمت يمينك الاد غنام على النقل

التوقيع

سبحــــان الله وبحمدهـ hakem81@live.com

[سلطان نايف العضياني]

الشاعر دحيم بن رشيد أستانس على سوالفه وقصيده

وياكثر مواقفه مع الجن الله يطول عمره

مشكور يالاد غنام

[آلاد غنـــام]

محمد انت طيب
كفيت ووفيت

[أبونواف]

مشكور على نقلك وصح لسان الشاعر .