ســـلامٍ أحـــلآ مـــن حــــليب المـــــزايين . . .

[طلال ناشي]

بعد التحية

قصيدةٌ تشرفت بإلقائها في امسيةٍ أحييتها في ( يبرين )

بعد الدعوة المقدمة من مركز هيئة الأمر بالمعروف والنهي عن المنكر بالمنطقة

برعاية مدير المركز الشيخ / محمد بن صالح المري , ضمن فعاليات حفل الحسبة الخامس المقام في المنطقة

سلامٍ أحلا من حليب المزايين = أمجملة راعينها لحلبوها
للضيف ولا للربوع الموالين = ما تخلف الهقوات لا بهلوها
يملا لبنها فاضيات المواعين = لا كثرو الضيفان ثم قربوها
رغوة لبنها فوقها حول شبرين = ذا طولها من فوقها لاشبروها
أسهاف الايدي ضافيات العرانين = ذودٍ تجمل لحية اللي قنوها
جرد الرقاب مرجحات الموازين = لا جا نهار العرض ثم عرضوها
تطلع بيدها والمواقف براهين = غصبٍ على حسادها رشحوها
الطببع زين وزينها يكحل العين = ووصوفها تتعب ليا وصفوها
البل لها فقلوب الاجواد تمكين = تجلا هموم القلب لا قابلوها
حتيش لو ياصل علفها ثمانين = لو يرتفع فالسوق ماهملوها
اللي ولدها باعته تقضي الدين = ياما خذو منها وياما عطوها
سودٍ ليا سيمت تسام ابملاين = واللي جبر سوامها صيت ابوها
الله ياقاها عيون الشياطين = والله يرفع قدر من قدروها
وليا نشدتوني عن البل هذي وين = لقيتها والناس قبلي لقوها
عانوا عطايالله تراها في يبرين = أمع الكرام اللي لحاها اكرموها
أعزاز واللي في طرفهم عزيزين = كم قالةٍ كبرت وثم أحتموها
نطاحة الماجوب سقم المعادين = أهل ابيوتٍ تقري اللي نصوها
أكرام وآبنا كرام وآبنا كريمين = والطيبه ورثٍ لهم وورثوها
يوم المراجل ضرب شلفى وسكين = وجردٍ تفج الروس لا ثورها
ذيدانهم ترعى الحيا بين حدين = لا نبتت أحدود الجزيرة رعواها
والله يجزى الخير حسبة هل الدين = اللي مراسيم الحفل نظموها
بقدامهم دايم بوصط الميادين = وكم من مفاسد فالوطن حاربوها
أجهودهم تشكر من أول وهاللحين = وأعمالهم في صفنا كلبوها
دايم ليا منه زغرنا المليعين = اجيوبهم تكفي ليا وقفوها

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com