آلاد عاصم من زحازيح عتّاب

[فايز بن سرحان الثبيتي]

سلطان بن حامد


اسرفت في هالدره فلله درك يالقرم


والثانيه للشعر قاري وكتّاب
وشعّاره أكثر بالعدد من رواته
وأنا على منهج حسينين الآداب
وأهمّ ماعندي تجي مفرداته
مثل الذهب مصبوب بيدين صبّاب
وإلها من أنظار الرجال إلتفاته
شاعر وأشدّ أنظار وأخاطب ألباب
والشعر أقطّف ما زهى من نباته
وأخير ما أحصّل من الشعر الإعجاب
عند الرجال اللي تميّز طراته
واليوم أعدّيبه على راس مرقاب
لو إن وقته راح تبقى قناته

لله درك ...

والماقف الغصّاب ما عنه مجناب
إلا إن ولد العود ينسى وصاته
واللي ليا منّه حضر لازمه غاب
أمه عقيمه والعوانس بناته
لا ناطحٍ قاله ولا مغلقٍ باب
وأخير له من طول عمره مماته

لله درك ...

حنّا خلقنا الله على الدين وأعراب
ورجالنا طبع الكرم من سماته
نآرد ونورد للخطر كل هيّاب
ونثوّر اللي غارقٍ في سباته
ونعلّم اللي جاهلٍ حلّ الأنشاب
وشلون يلقى الفايده من حياته
خويّنا يلبس من العز جلباب
وعدوّنا ضيمه وذلّه عباته
هيباتنا يذعن لها كل حرّاب
وإن شافنا ما عاد يضبط صلاته
وسطواتنا لو هي بصم الصفا ذاب
وتاريخنا تفخربنا ماضياته
وفعولنا فيها يحيرنّ الأطباب
صويبنا دايم سريعه وفاته

لله درك ...

وديارنا يآمن بها كل مرتاب
من دون ينصانا ونآسم عصاته
وأذوادنا ترعى زماليق الأعشاب
بسيوفنا روض الخطر راعياته
نآطى على الحيّه ونآطى على الداب
وحريبنا ليل العرب ما يباته

ابداع يفوق الوصف ...

آلاد عاصم من زحازيح عتّاب
ربعٍ تجي للمجد فأعلى سراته
وإن قلت قاصر فالمطاليق كذاب
في كل قيفٍ للفخر سابقاته


كفو كفو ونعم


بيض الله وجهك يالقرم عزالله انك اضافه رائعة للهيلا


لاعدمنا تواصلك وتواجدك بيننا

تثبيت وعلى مسؤليتي الشخصيه

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن