الواسطه

[شعيل الزلامي]

بسم الله الرحمن الرحيم
السلام عليكم ورحمة الله وبركاته

اخواني الكرام اقدكم لكم هذه القصيده وهي تتحدث عن مشكله تعاني منها المجتمعات العربيه وارجوا ان وفقت ولو في القليل من ابراز سلبيات هذه المشكله التي لا يخفى على احد مماتسببه من ظلم وهضم لحقوق الاخرين ....

ماعندك واسطه اقعد

ان كـان مالـك واسطـه بالدوايـر=والله ماتلقـى مـوظـف يـقـدرك
كانك ماتعرف مـن وجيـه الاكابـر=صاحب معالي محـد غيـره يدبـرك
لو انت صاحب حق يمكـن يصـادر=تقلب لـك الدنيـا وتكثـر عثايـرك
ويمكن بعـد باكـر تـدور الدوايـر=وبدال مـادور علـى الخصـم دورك
ولن كان خصمك له مع الناس ساير=لاوالله اللـي ماتـرقـع خسـايـرك
لو انت مـن فعلـه تشيـل الجبايـر=يصبح هو المكسوروالصح كاسـرك
وتكبر عليك اكبـر مـن ام الكبايـر=ياتنتحـر فعـلا ياتنحـر مشاعـرك
بالواسطه تسيـر لـو انـت حايـر=وبلا وساطه فانت ماحد(ن) بناظـرك
لو انت واحد مـن كبـار العشايـر=ان كنت ماتعـرف فريـح ضمائـرك
بالواسطـه تدخـل بلـيـا تـذاكـر=وبلا وساطه ماحـد يقـدر يمـررك
واللي غبي بالواسطه صـار شاطـر=وشاطر بليا واسطه ويـش حاشـرك
وبالواسطـه يقـوم لـك كـل بايـر=وتصبح طلباتك كمـا قيـل اوامـرك
وبالواسطه تبنـي قصـور وعمايـر=وبدونها لو مـت يمكـن مانقبـرك
اليـوم هالدنـيـا ثـلاثـة منـابـر=كانك حداهم لو تكفـر مـا اكفـرك
لامـيـر ولـوزيـر والا لتـاجـر=وباقي البشر صفر مكعب على ايسرك
هذا الذي في وقتنـا اليـوم صايـر=انشد مجرب واقـع الحـال يخبـرك
واسباب مايحصل خـراب الضمائـر=ماتسمعه وتشوف بالخوف يشعـرك