قــصـــر الأفــــراااح

[مرزوق حمدان العتيبي]

خيم عليّ الهم فالقصـر واجتـاح
مشاعرٍ فيها غمـوض وصلابـة
من حين جوالي بعد هزته صـاح
نغمة رسالة مـار فيهـا غرابـة
حسيت فيها شيء مانـي بمرتـاح
من قبل ما اقرأها واعرف الاجابة
مضمونها توضيح من شخص لماح
كلا علـى فالـه يسـرح ركابـه
لا والله الا رحت فيها وهـو راح
الله يسهـل لـه طريـقٍ مشابـه
مالي ورا بعض المضاهير مسراح
اخاف رب الكون وارجـي ثوابـه
مادام غيري جاب للقفـل مفتـاح
الغاء جهود الواسطـة والقرابـة
لو في ضميري من بعد بعده جراح
الذاكـرة صفيـت منهـا حسابـه
خلاص بدد حملنا قصـر الافـراح
وحبن بنينا بالشرف صـك بابـه


...
هالله هالله ..... يابو سلطان
يخرب بيته راع القصر
صح لسانكـــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD