مساجله شعريه

[السيف شاماني]

هذي مساجله بيني وبين الشاعر نجر ويقول:::::::::::::

القاف لامنا بغيناه جبناه=ننحت صخر يعني نجيبه نجيبه
ونارد على عدن كثيرن ظماياه=ونشرب زلاله وبك حنا عتيبه
والعد لاجيناه كله شربناه=افعولنا تعرف ولاهي غريبه
وليابغنا الصيدمقرب معشاه=لوتبعد الصيده علينا قريبه
ربعي هل الطالات والطيب الجاه=والطيب لربعه ياطيبه ياطيبه
واسند بيوتي لرجال المسماه=اهل الوفا والطيب عزه هيبه
الاد عاصم فالمواقيف وجلاه=واللي يعاديهم يبا يبين شيبه
سباعن على وقت المساري مضراه=تنهب عشاها فالغداري نهيبه
ومن عاند عتيبه تحسف وقال اه=ذاق الندم والشر هي والغليبه
والضيف لاجانا لقا له مراعاه=يالقى الشحم والبن ياخذ نصيبه
حرارن لصيد الحباري مضراه=ضاريتن بصيد الطيور الغريبه
ولا الردي يهبا حصاته محناه=وعدونا نعاديه ونشق جيبه
هذي بيتون قلتها لك منقاه=حقيقتن واقع ولاهي صعيبه
شرواك لامن سيس البيت ببناه=لاجاب بيته جت ركونه رهيبه
وصلوا عدد مزنن نثر فوقنا ماه=واعداد سيلن يدرج مع شعيبه
على محمد عد مزنن بمنشاه=واعداد زهرن شاربن من قليبه

ورديت على شاعرنا واعذروني ماطولت قصيدتي****

وحنا ليا قلناه ولا نويناه=مانشتري غير المهار النجيبه
يامرحبا ياشاعرن زان معناه=ساق البيوت وصفها كالكتيبه
على الكرم والدين والطيب مبداه=مايحسب اللي راح ويصك جيبه
انا اشهد انها تنثر الدم يمناه=لضيف والجيران ولا قريبه
والعد يابوزيد ماكثر روياه=وان راح كله صارت اكبر مصيبه
يموت عبدالله ولد عون وحلاه=وابن فطيس الجزل دايم نصيبه
يموت ابو فارس ومثله وشرواه=ونايف صقر تركى عليه النصيبه
ويوسف ولد رزاق يهلك لياجاه=اللي ليامنه وقف له يصيبه
العد مانته يالسنافي بوياه= دونه مفاتيل العضود الغضيبه
ومن غرته نفسه يابوزيد عزاه=(همن يودي به ولاخر يجيبه)

آخر تعديل السيف شاماني يوم 21-Mar-2010 في 11:34 PM.