بسم الله الرحمن الرحيم
السلام عليكم ورحمة الله وبركاته
أقدم لكم هذه المحاورة التي جرت بيني وبين العضو مشاري الحبردي عسى أن تنال رضاكم :
مشاري الحبردي :
يامرحبا بالسواط اليوم مرزوق = سفير مكه سفير أهل الحجازي
بيني وبين السواط أحقوق وحقوق = الليله بعطيه نار ( ن ) مع قازي
مرزوق السواط :
دام البقا ياعميل (ن ) حلو منطوق = سفير جاهز ترى وقت المغازي
العلم توه ورق ياولد روق =خابر بليسك معي يا الروقي خازي
مشاري الحبردي :
هرجتك فيها ترى أطقوق واطقوق = وأنا أدري انك تدورني معتازي
خيل علاكم سحاب أرعود وأبروق = افطن لعلمي وخلك دوم حازي
مرزوق السواط :
لقيت علم ( ن ) على ما قيل مسروق = وانته خابرني وعرفني مجازي
ما خلت نو ( ن ) بعد ما طحت مشنوق = شنّقتك فيها يدورن الألغازي
مشاري الحبردي :
ماخبرك ياصاحبي ضايق ومصفوق = أنا أخبرك فيك عزه واعتزازي
أنته تدور لحاجه وأنت مسبوق = ياالموتر الزين جديد الطرازي
مرزوق السواط :
ما ضقت وانا مدخلكم في صندوق = صندوق عينه كريمه يا بن غازي
لازم تفرق ترى به طير غرنوق =واحنا صقوراً حراراً وانت بازي
مشاري الحبردي :
مانته مدخل عرب يارجل برفوق = ألآد عمك ماهم قوم المخازي
حرقتها ياولد والبن محروق = حاربت وبنيتها بنّيـ(ن) عزازي
مرزوق السواط :
لا والله الا سرتوا شاهق ومشهوق = حتى الولد حط في يدينه معكازي
أحرقتها ما أنتظر رجوات مخلوق = حتى أنيّ اعدل الكفه توازي
مشاري الحبردي :
الحمد لله عشنا روسنا فوق = هزنا جبال ( ن ) في وقتٍ ماتهازي
يا تاجر (ن ) ماأنت صارف داخل السوق = عملتك ماهي بمختومه تجازي
وسلامتكم ,,,
« آخـــر الـــمـــشـــاركــــات »
25-Mar-2010, 07:21 AM
محاورة بين العضو مشاري الحبردي و مرزوق الصواط !!
العرض العادي
