قصيده موجهه الى شيوخ الدراهم المهايطيه (قويه)

[..الصريح..]

قصيده شيوخ الدراهم

يهني من هو بعارينه يسلنه = يطرد وراها وكنه محتم التالي
والاسبقها وهن بالدرب يقفنه = ومسجله فوق راس الجيب ويلالي
مع شلته والمواتر جالها رنه = وكلن يهيل المدايح دق وجلالي
ويشب نار المناره تالي الكنه = والناس بالقيض زاد أشعالها أشعالي
حط له بشت(ن)ذواليقه يتلنه = له شمسة(ن)سعرها وسط البلد غالي
وحطوه بين الاشده وأكتمل فنه = وساقوا عليه الدلال بكل فنجالي
وكل(ن)يهايط ويحرق هيله وبنه = شيخ الكرم منزله للناس مدهالي
وقدم صواني بها القعدان مستنه = وطليانها حولها والرز منهالي
وصاروا جدوده هل التاريخ والمنه = لاصار في البنك له دولار وريالي
وجمع شعاعيره ومواله يدنه = ومن كل شاعر يجي شيله وموالي
وصارت قناة الفضا لاجله يذيعنه = منقيه الشيخ (طبل) مزبن الجالي
ماهوب مثلي ديون البنك يصلنه = القسط يصلاه صليات اشهب اللالي
ياوقتنا اللي تقلب واعتلى شنه = والطيب عود على سكبات الازوالي
مخابر الطيب مازالت لها رنه = ومخابر المال تال الوقت تنزالي
والشك مايلحق اهل الطيب لكنه = يمرض قلوب بنت مجد(ن)على الجالي

الشاعر :::: صقر الصقر

[فهيد الايدا المورقي]

والشك مايلحق اهـل الطيـب لكنـه=يمرض قلوب بنت مجد(ن)على الجالي

صح لسان الشاعر والله انه صادق



الصريح لاهنت على النقل


تحيتي

التوقيع

حسابي في تويتر faheed_1234

[..الصريح..]

بناخي الايدا


صح بدنك وتشكر

[أخو جوزا]

صــــح لسانك

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[محمد الحميدي]

صح لسانك ولاهنت

الأبل ونخوك طرب وولع وتجمعك مع رجال طيبين وتعرفك عليهم

والمهايط مافيه خير
وشكرآ على القصيدة الرائعه

التوقيع

[..الصريح..]

اخو جوززا

صح بدنك يالغالي

[أبن الجزيرة]

صح لساااااااااااااانه