حره كشب

[ابن صنهوت]

يا فواز مساك الله بالخير صحح معلومتك طال عمرك ولا تتفوه بمالا تعلم عن وضحى وقبيلتها

اما بالنسبه لسميري السمره غنيين عن التزوير
هداك الله انت حطيت شعبان في رمضان وش جاب زهيان الدلبحي في الحفر هذيك غير وذي غير رجاءا لا تتخبطون هذا تاريخ بنوه اجدادنا يجب عدم الخوض فيه الا تحت خط كامل المعرفه والمصداقيه


بالنسبه للحفر فهي كسيره على مطير من الزلامي وبن زيد السماري وجمعهم

تقول المطيريه راده على شليويح العطاوي

عشرين ليل اللي تلم المجاريد=لين الزلامي جيتبه من دياره
والله يلا جمع الزلامي وابن زيد=ليهدم على سمو العطاوي حجاره

الى اخر القصيده

اما زهيان الدلبحي فهذه يم رايان وهي مع الدياحين من مطير

وتقول اخت جزاء وهو مذبوح وهي ما تدري

يا ذيب عيد في ثنادي زهيان =عيد وصوت للذياب المجاويع

وهي كانت تطبخ الغدا للاسرى وهم عتبان وغنى واحد منهم لا يحضرني اسمه قالوا له خلها تغدينا والرجال ما فيه صبر قال

يابنت لوتدرين عن كاينن كان =ساعة تقابلنا ورى مدلج الريع

عاني جزاء في قاعة الضلع رايان=علىه لجن العذارا مصاليع

وهي تاخذ القر بحلقه وتكفى الغدا وتبكي على اخوها جزاء
هم الدلابحة ما ادري هل معهم سمره والا لا

واخيرا يجب التاني والتاكد في مثل هالمواضيع