يوجه القاضي للحكم ضد بدوي محافظ الأسياح يفرض وصايته على القضاء الشرعي مرفق نسخة خطابه

[طهطام]

المشاركة الأصلية كتبت بواسطة نايف عريب الجد

أبك عز الله انك صدقت ,
في نضر الحضران ان كل قبيلي بدوي لو انه متعلم ومعه اعلى الشهادات , لامنه مزح
والا قال شيئ قالوا له ( شف بدوي ) وكأنهم يسبونه مع انها مدحه ماهي مسبه لكن هذا تفكيرهم ان كلمة بدوي مثل كلمة مايفهم او غبي من وجهة نضرهم .

عندك عتبان لكنهم حضر في بريده لاجيتهم مااسمع الا حنا الهيلا حنا عتيبه وانبسط منهم

وفيه مره مدري وشصار بيني وبين بعضهم من نوع المزح فجأه الا اسمعهم يقولون : انت ياحنس يابدوي ؟

صراحه استغربت لكن بينت لهم انا وصلنا لقمة التطور وان هذا مايجوز
وهذه الامور انتهت منذ مايقارب 60 عام بعد توحيد المملكه على يد المؤسس والآن الشعب واحد كلنا تطورنا والآن فيه مثلا واحد يفهم وواحد مايفهم .,
ماهو لو جا الحضري معي للبر او قلط معي على ضيفه فيفشلني نفس الشي لكن مانقول حضري مايفهم يالربع لاتشرهون عليه وحاولت افهمهم ولكن عمك اصمخ ؟

هي نشأه نشأو عليها وربوهم آبائهم منذ الطفوله عليها
وشربوهم الحقد على البدو من غير سبب سوا ان اجداد البدو كانوا قاسين على اباء الحضر قليلا ,

والله ان حقد الحضر على البدو بالقصيم خصوصا ً والرياض انه أشد من حقد اليهود على المسلمين .
لااحد يقول بالغت لا والله هذا واقع ملموس وكلن يعرفه

حتى ان اخوي خلف القثامي قال اشياء واقعيه وحصلت أمامي شايب بدوي يسلمله على شايب حضري تدرون وشقال الحضري ( وشتبي ) ويصد عنها الشايب البدوي خلاه بعماه وعطاه ظهره وانا بغيت اتدخل لكن هونت .

عندك عتيبي لكنه حضري من اهل الاسياح ولايمكن انه يزوج واحد اخر اسمه قبيله مثل العتيبي الحربي المطيري الشمري ,

لكن لوجاه حضري يزوجه مباشره اما بدوي لايمكن , وفيه مره جاه عتيبي اصله بدوي لكنه يكتب اسم العايله مايكتب العتيبي ومتطور جدا ووافق الحضري لكن يوم نشد ودرى ان اصوله بدويه على طول رفضه وفسخ الخطبه ,

لله درك يا نايف
والله كلامك صحيح وسليم
انا من زمان وانا أقول أن مجتمعنا عنصري
وأنا هذه العنصرية إذا لم تحارب
وإذا لم تجد من يوقفها
فأنها سوف تكبر حتى تنهينا عن بكرة ابينا
العنصرية ليست مشكلة بسيطة
مثل التفحيط والمخدرات
لاحظوا أنني قلت عن المخدرات والتفحيط مشكلة بسيطة
نعم أنها بسيطة إذا ما قارناها بالعنصرية
لأن العنصرية لا تضر الضحية و الجلاد فقط
بل أن أثرها يشمل المجتمع ككل
فهي اشبه بالحرب الباردة
لأنها نزاعات داخلية
ولكنها أن وصلت لمرحلة المجاهرة بها في وضح النهار
فالله يرحمنا
أنا عن نفسي أقترح
وضع هيئة لمكافحة العنصرية
أي إنسان يظلم بوظيفة يستحقها
أو بأي شي ، يذهب للهيئة وهي تأخذ حقه
ولكن لحظة !!
من سنوظف في الهيئة ؟
للأسف سنوظف أناس من هذا الشعب العنصري
إذن ...
لن تموت العنصرية