مران بن قويد هو(كنز الدواسر)لشاعر سعد الودعاني

[دوسري من الوادي]

قصيدة في شيخ قبيلة الدواسر ( مران ابن قويد )



الحقيقه يعجز السان في وصف اي شخص هو لطيب مورد وهو اهل لما يجري من

مشاكل او ضروف او محنه يقع فيها المرء في حياته والله وضع لهذه ناس هم لها كفووو.

مشاركتي قصيده واضن ان الوصف عجز في تعبير هذا الشخص والقصيده هي لشاعر سعد الودعاني



مران أبو زابن شيخ أمير أمارة رجال
مقدم وجيه الدواسر سبع ليثي عديم
ترثة جبالٍ لاقامت ينزحن الجبال
وتخضع قياصر و أكاسر علم بدوٍ قديم
ريفان عليا منازل الوجيه الطوال
قروم ندّر مكاسر كل بادي عليم
سربة صناديد مهقا منصا ملفا ضلال
روسٍ عواسر كواسر ضاهدين الخصيم
شيخه على ساسها ماهيب شيخة ريال
أميسرة كل عاسر لا هدين الغريم
تليدٍ . . أخطل مجيد أحمد حميد الخصال
مقلاط يمناه جاسر وجه وجاه وزعيم
مقدام قدام مقدم قدم محزم ثقال
ناطح ومدمي و كاسر فاالشجاعة عظيم
سطام لطام ما تلوا عليه الحبال
إلياغد الراس حاسر فالملاقا حليم
جزاع بتاع قطاعٍ مهند سلال
فاروقً فرّاق داسر الجسور الهميم
شواش بطاش ما أحدٍ معه لاصال جال
يجعل الا يامن إياسر اللطوم العزيم
عداي حماي ثنايٍ خطامٍ عقال
جسّار جاسر مجاسر الكاعوم الشكيم
زحل أزاحل جبل مرغي فحول الجمال
اللي هوادر عواسر الخازوم الكعيم
صكاك فكاك فرزٍ للشديدات جال
فراج عسرالمعاسر الفلوج الجزيم
منعور مسطور منضورٍ نضير الهلال
عقاب بين الكواسر الفريد الجسيم
زحزيح نزاح نازح له مقام و مقال
أمهيب وجه الجواسر السديد الحكيم
مكانه يمين ويدينه ما فيهن شمال
راسه ما هو للمياسر الورود الحشيم
دين ومراجل وطيب رمز وشرف ومثال
العاسر لا جاه يا سر التقي الرحيم
يمناه للفعل ما تحتاج نطلة عقال
ذراع فزّاع فاسر. للوازم وليم
إيلا قدم فالمعاسر بدل الحال حال
حط المعاسر مياسر . ما يبي له زهيم
جزلٍ يلد النضر له عن وجيه الهزال
اللي عليها سماسر له مكان ومقيم
عالي متعلي عليٍ معتلي ما ينال
من الطيور النواسر فالقمم القميم
هداد ورّاد. مدادٍ . يمد الجزال
ما هوب يحسب المخاسر السخي الكريم
من حق كلٍ أسم وصيت لاجا مجال
أهل الأصل و البياسر وعنه تدري النسيم
أكبر ما كبّر بعيدٍ عن وجيه الجدال
اللي دماها خواسر . دم وجهه عصيم
أول من أول وأول أولي لا يزال
ينصافي وادي الدواسر . دايمٍ مستديم
مضياف ضيّاف مضيف الفال يتلاه عقال
مسير يدين الإعاسر ذخر و الله العظيم
مرجع ومقطع ومطمع عايلٍ ما يعال
شراي ما هوب يكاسر . العروف العليم
اللي عند غيره كثار عنده أقل القلال
لا أقبل الإيمن تياسر للعوالي نديم
شيخٍ ما شيّخه أحد و الحق ما هو خيال
وحلمٍ يبي له تفاسر الكضوم الصتيم
كفاف مشراف يشاف أمير وشيخه حلال
ماجت قمار ومياسر . النزية السليم
عزّاز عزيز أعز كامل ولله الكمال
شاعر ما يمدحه خاسر العصوم التميم
فعّال فعله يموت بداخله له ما قال
وشارع للأخصام أسر . العقيد القديم
عازوم جازوم قبل الختم يقود الرجال
على هيازع عياسر قبل ختم وختيم
زيزوم سربه يزيدون الحلال الحلال
فاالماضي العاسر إياسر . في أمان ونعيم
في واديٍ روشنٍ بين الشحم و الدلال
هم الغزاه الكساسر. روس أزاحل تضيم
بعاد مغزا هواجد . .لا خذوها تعال
والقوم غبنا و أحاسر فاالقصور الحريم
بدوٍ حضر أهل أبل ونخيل وعبيد . .ومال
والطلع ما هوب باسر. طلع نخلٍ هضيم
الشعر له الشرف فاالشيخ مران يقال
أجاهر شاهر ما أساسر و القدا مستقيم
يطلق لساني و أنا معرب عمام وخوال
جاسر ما نيب أتجاسر. عايذٍ من رجيم
لا راحت اللي دقاق وكبرت اللي جلال
مران كنز الدواسر . ذخرنا الله يديم