يا شاعر المليون ماهي أناقه (( مصافحه ثانيه ))

[ناصر بن فهاد]

بسم الله الرحمن الرحيم

السلام عليكم ورحمة الله وبركاته

من غير مقدمات والقصيده تعبر عن نفسها

وهي بعنوان

يا شاعر المليون ماهي أناقه



صـلوا على النبي

يا شاعر المليون ماهي أناقه = الشعر فكره مع مراسيل وحقوق
أهدي لكم مني من الشعر باقه = باقة غلا والشرع حرم ترا البوق
البارحه كثروا علينا طفاقه = بانت بتال الوقت والطيب مفروق
مالي ومال الناس مابه علاقه = مير البلا من هرجهم هرج مطفوق
هذا أله عامين هرجه لباقه = ومن بعد ذلك بانت علوم وفتوق
وهذا أله عامين بالطيب ساقه = ومن بعد ذلك سبة الغل مسيوق
وهذا أله كم عام يكنز زراقه = يجمع رصيد ويهرج بهرج مرموق
وهذا بوسط الدار والحب طاقه = يشعل نسيج الفكر والدم محروق
وهذا ألم عامين حب وعشاقه = مرهف أحساسين وبالحب معشوق
وهذا أله كم عام يجني صداقه = والفعل فعل الطيب كالمزن وبروق
الجزل في راسي يزيد أصطفاقه = أمواج جزل الشعر والكل له ذوق
ماجيت أدور بالتغزل أعاقه = ربعة رجال الطيب ماتقبل السوق
الطير في كفي وحاكم وثاقه = والطير راكد وافي الفعل موثوق
أشقر وسيع العين أفجح بساقه = أقطم عريض الصدر للخرب هو عوق
صافي ظهر نادر بصدره براقه = والعنق عاتق مخلبه دوم ممروق
وهذا أله كم عام جناي ناقه = ومن بعد ذلك عاف لزمل والنوق
وهذا أله كم عام صح ولياقه = لكن أنا لاقمت ماني بمسبوق
الله مع اللي يحتمي لرفاقه =رجلن وسيف الدين بالكف مرفوق
بيت الثعل يسهل عليك أختراقه = وبيت الأسد مقفل ولاهو بمخروق
كلن يميز في لسانه مذاقه = وكلن شهر واحد يبي شمس وشروق
بعض العرب للحكي فيه أستراقه = يسمع ويحكي والأصل ذاك مسروق
وبعض العرب معنا وسبك وطلاقه = والبعض الآخر بأهزل الحكي مطلوق
وبعض العرب باب الأدب هو نطاقه = حرفه حكم والحق ياصاح منطوق
جيتك وانا مشفق عليكم شفاقه = شاعر وطن ماني بشاعر غلا شوق
يا شاعر القطرين جتك التفاقه = تنخر عظم والطلًق بالصدر متفوق
يا شاعر المليون ماهي حماقه = العود صرح والولد ذاك مصعوق

وسلامتكم وأن شاء الله تنال على عأجابكم وراضئكم

[أبو مرحبا]

اللهم صلي وسلم على محمد وعلى اله وصحبه وسلم


قصيدة رائعه

صح السانك ياابن فهاد واعتلى شانك

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابن الزحول]

صح لسااااااانك وبيض الله وحهك ولاهنت
تحياااااتي

[ناصر بن فهاد]

المشاركة الأصلية كتبت بواسطة أبو مرحبا

اللهم صلي وسلم على محمد وعلى اله وصحبه وسلم


قصيدة رائعه

صح السانك ياابن فهاد واعتلى شانك

تقبل مروري

صح الله بدانك



ولاهنت على التواجد الطيب

[منير رحيل الشراري]

الجزل في راسـي يزيـد أصطفاقـه
...............................أمواج جزل الشعر والكـل لـه ذوق
ماجيـت أدور بالتـغـزل أعـاقـه
.............................ربعة رجال الطيب ماتقبـل السـوق

ناصر يعطيك العافيه على هذه الشامخه

جزله ولا تجي الا من جزل لاهنت والله

تقبل مروري

ولك الشكر والتقدير