قضية الشهر ام رقيبة من يوقف مهازلها ؟؟؟؟

[العــــــــابر]

بالربع بالنسبه لغسيل الاموال التي ارتبطت بالمزاينات لادري وش الفايده منه

هل هو تشويه للباديه ولتجارهم يعني اذا شريت ارض ماتستاهل عشرين الف بمليون وشنقول هنا

الصراحه شي ماله وجه من الصحه ابد .

لو اخذنا مثلا فنجال العتيبي يشري بملايين ويبيع بملايين هل هذا الشخص يغسل اموال .بالطبع لا

والامر بسيط عن هالرجل صاحب نشاط وواضح ومعرووف وغير كذا من يوم ربي خلقه وهو في الابل

اما غسيل الاموال يكون نعم في شخص لايعرف الابل وقبيلته كلها مافيها وبال واحد ويجي يشتري


ب 40 مليون ريال وينافس في شي مهوب له هنا ممكن اشك ان فيه غسيل اموال .

اما مزاينات القبايل ومزاين ام رقيبه بالنسبه للباديه لايوجد غسيل اموال وانما هي هجمة العلماني

المعرووف الذي شن الحرب على مزاين الهيلا واطلقها في تلك السنه وهو كاذب اشر.

اما بالنسبه للمزاينات بشكل عام فهو نشاط دييني ااقتصادي اجتماعي ومحفل رائع وجميل

وعرف عن الباديه الكرم وهذه من شيمهم ولايمكن باي حال من الاحوال ان نتخلى عن عاداتنا وتقاليدنا.

والحل ليس في تشويه سمعت المزاينات والرمي بالكلام جزافا او المطالبه بالغائه وهالشي استحاله

يصير لن يتم تشويه المزاينات محما حصل ولن تلغى مهما قيل او حصل.

بس فيه حلول عقلانيه مثل الترشيد النصح مشروع لحفظ النعمه وهالشي انا سمعت ان فيه توجه

لتطبيقه هالسنه.

وبعيدن يالربع ابشركم والله العظيم من شي قريب وملاحظ ان اصحاب الابل والمخيمات انهم واعين


لهالامر ورجال فيهم الخير والبركه وهذا شي مشهود لهم.

ومثال واحد على المخيمات مخيم فنجال العتيبي الذي كان مقر للمشايخ والعلماء واعطي به دروووس

ومحاضرات نفع الله بها باذن الله.


لذلك ياليت ياليت لانشوه ونتهجم ونقول كلام من غير دليل ياليت نجيب الحلول.

اما الابل يحق لنا الفخر فيها كباديه فنحن ابناء الباديه نفخر في الابل ونفخر في الطير ونفخر في

سلاحنا وهذي من عاداتنا وسنتسمر عليها وهي من مكارم الاخلاق والشي الجميل.

ولعلمكم جميعا ان اغلب من يهاجم المزاينات الى هذا اليوم هم العلمانيين والمتحررين لانهم يجدون فيه

التحام بين المواطن والقياده في مهرجان يحمل اسم المؤسس الذي اسس البلد على الدين والتوحيد.

ماقول مافيه سلبيات بس الايجابيات اكثر ليت نشيد فالايجابيه ونحاول نقدم حلول للسلبيه وهنا ينتهي

دور المشارك فلايوجد هنالك داعي للهجوم على البدو وفخرهم في الابل ولايوجد داعي لرمي الاتهامات

جزافا.

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله