قصيدة الشيخ / متعب بن عطالله بن عبد الهادي بن ثعلي

[فهدالروقي]

هذه الابيات بمناسبة سلامة صاحب السمو الملكي سيدي الامير محمد بن نايف بن عبدالعزيز آل سعود مساعد وزير الداخليه للشئون الأمنيه من المجرم الذي فجر نفسه بالقرب منه حفظ الله سموه من كل سوء ومكروه.والأبيات هي:

يالله تحفظ الوطن وتحفـظ قاداتـه = ياربنا اللي ما نعبـد واحـدٍ غيـره
والحمـد والشكـر لله كـل حزاتـه = انجى محمد من المجـرم وتفجيـره
ربك جعل خطتـه تنهيـه بوفاتـه = والزرعه اللي زرعها جت بتدميـره
الله يسلط علـى الظالـم بحيلاتـه = من حيلته صـار تدميـره بتدبيـره
ومحمـد الله يحفظـه عنـد نياتـه = ما فتشه يحسب انه من هل الخيـره
والمجرم اللي نوالـه نيـةٍ جاتـه = قتله لنفسه ولا ضرت حـدٍ غيـره
الله كفى الناس من شـره وسياتـه = وصارت هزيمه لمن هذي تدابيـره
والأمن بالله ثم بأهل الدار وحماتـه = مليكنـا قايـد الجيـش بطوابيـره
وأخوانه اللي معه يقفـون وقفاتـه = سلطان والنائب الثاني على السيره
نايف بجهـده ومجهـوده وقواتـه = في وجه الإرهاب وأرهبهم بتفكيـره
في كل يـوم يفاجيهـم بضرباتـه = أفشل خططهم وصاروا منه في حيره
وهذا محمد نهج نهجـه وخطواتـه = الشبل ولد الأسد سيره على سيـره
ياشلة البغـي والإرهـاب ودعاتـه = بافسادكم بالوطن ما عندكـم غيـره
إما اعلنوا توبة المذنب وحسراتـه = ومن تاب في توبته للذنب تكفيـره
والا الخطر قدمكم تشـر علاماتـه = عقوبـة المعتـدي قتلـه وتعزيـره
وحنا مع ملوكنا بالـروح وفداتـه = ومن زعزع الأمن منفيٍ من الديـره

قصيدة الشيخ / متعب بن عطالله بن عبد الهادي بن ثعلي

آخر تعديل فهدالروقي يوم 27-Jan-2010 في 02:08 PM.

[عبدالحكيم العتيبي]

صح السانك ياوالدي الشيخ متعب بن عطاالله بن ثعلي ولاهي غريبه عليك المشاعر الصادقه تجاه ولاة الامر عسى الله يحفظهم ويبارك فيهم ويجعلهم ذخر للاسلام والمسلمين انه سميع مجيب

كما نحمد الله على سلامة الامير محمد بن نايف بن عبدالعزيز ال سعود الذي يكرس جهوده دائما في سبيل الدفاع عن الدين ثم المليك والوطن وعسى الله يقويه على فعل الخير والطيب وحنى ترانا معه دايم الى يوم القيامه

وشكرا يا الاخ فهد على النقل الطيب وبيض الله وجهك

آخر تعديل عبدالحكيم العتيبي يوم 31-Jan-2010 في 09:38 PM.

[ابوتركي العضياني]

قصيده جزله من شاعر جزل وبيض الله وجهك ياالشيخ/ متعب بن عطا الله أبن ثعلي على هذه القصيده الرائعه

يستاهل الأمير محمد بن نايف والله يحميه ويحفض قادات هذا الوطن الغالي من كل سوء والله يعز الاسلام

والمسلمين في ضل حكومتنا الرشيده التي تنعم بالأمن والأمان

وشكراً لك يااخ فهد الروقي على النقل الرائع

آخر تعديل ابوتركي العضياني يوم 21-Oct-2010 في 01:58 AM.

[سلطان طلحة]

قصيدة جزله من رجل جزل


صح لسانه

ويستاهل

سمو الامير


تحياتي

[فهدالروقي]

عبدالحكيم العتيبي

ابو تركي العضياني

سلطان طلحة

أشكركم على المرور الرايع

آخر تعديل فهدالروقي يوم 13-Feb-2011 في 04:14 AM.

[عبدالمجيد الثعلي]

صح الله لسانك وبيض الله وجهك

والحمد لله على سلامه الامير محمدبن نايف


وتقبلومروريوالسلام عليكم

[محمد الذيابـــي]

صح لسااااااااااااانه

التوقيع

التوقيع محمد الذيابـــي

[الهباع الرووقي]

اخوي فهد لاهنت على التقل