و أنته صغير

[الشاعر فهد رحيم النفيعي]

المشاركة الأصلية كتبت بواسطة وصل الشهيب

وأنته صغير بداخل الرمش والعين = و شلون تنساني وأنا ما نسيتك
يا ما سهرت الليل والناس ممسين = عطف وحنان وحب مني رويتك
أشيل عنك أوجاع وأقول لك وين = لو كان تبغا الشهد جبته سقيتك
أدخلتني و أقفيت دار المسنين = وأنا الذي قلبي وروحي عطيتك
وقمت أتوجد وأنظر يسار ويمين = وتنسى مواقيفي وأنا اللي غذيتك
حتى الزيارة قلت بكرة وبعدين = صديت عني عام وأنا احتويتك
لكن أبا اصبر يا عسى قلبك يلين = وتزورني ساعة بعد ما دعيتك
وأنته صغير كبير في داخل العين = و شلون تنساني وأنا ما نسيتك

الأخ الشاعر

فهد رحيم النفيعي

وانته صغير بداخل الرمش والعين=وشلون تنساني وانا مانسيتك

ياسلام عليك


تساؤل يحتاج إلى إجابه وقصيده نابعه عن صدق أحسست به

أخوي فهد

لو كل الأحباب أوفياء لما قرأنا مثل هذه الأبيات


جميل هذا البوح

إستمتعت بقرائتها

صح لسانك

تحياتي

صح بدنك

شهأإدة اعتز فيهأإ

اشكرك على المرور