ما دام للقلب هجس وللعقول إحترام ..

[عبدالله بن طلال]

السلام عليكم


تواصليه جديده ارجو ان تنال بعض الإستحسان

ما دام للقلب هجْس وللعقول إحترام = من قال لي مدّها ، باقول له شدّها
ياراعي الاوّله ماني ب/موقع ملام = والغلطه الأوله يا هاجسي عدّها
والغلطه الثانيه خلّك رفيع المقام = والثالثه سجّل الثنتين في سدّها
بيتٍ من الشعر يكفي عن كثير الكلام! = لابدّ تاقف به العالم على حدّها!
يشهد لي الوقت مافي خشم حرفي عرام = لكن ليا كثرت القالات انا قدّها
من يبتدي بالسلام اقول ، هاك السلام = ومن يبتدي بالهزيله يحتمل ضدّها
آرد على الجمّ والعالم بجاله حيام = و أورّد الطيّبه ، ولغيري أعدّها
عشاي معروف دايم من فقار السنام = والطلبه اللي تجي بالوجه ما أردّها
احمي حماها من الجانب وخلف وإمام = و اداوي إجروحها وآخذ على يدّها
شيءٍ غذاني عليه العود قبل الفطام = ادري بجزر البحور ، وخابرٍ مدّها
مانيب من يرخي إذنه لـ/ اللّغط والكلام = اعرف مزوح الهروج وعارفٍ جدّها

[فهيد مقعد الرويس]

الله عليك يابومشعل

كفو كفو

صح لسانك على هالابداع الغير مستغرب

تحيتي وتقديري

[المـرشدي]

الله عليك يابومشعل

كفو كفو

صح لسانك على هالابداع الغير مستغرب

تحيتي وتقديري

[عبدالله بن طلال]

أخي القدير/ فهيد الرويس

صح بدنك ولاعليك زود يالقرم

تحياتي لك

[عبداللطيف الفضلي]

صح لسانك كفو والله



قصيدة طيبة من شاعر طيب


تقبل مروري

[سيف نت]

صح لساااااااااااااااااانك

[محمد الذيابـــي]

,,,

صح لساااااااااانك ياعبد الله ن طلال

شاعر مبدع وننتظر جديدك

,,,,,,

التوقيع

التوقيع محمد الذيابـــي

[قيس العازمي]

دام ان للقلب هجس وللعقول احترام = من قل لي مدها باقول له شدها

صح لسانك ياعبدالله

قصيده جزله

وننتظر الجديد

تقبل مروري