من اجمل محاورات الرائعين سوار الذهب وملفي المورقي

[متابع هنا وهناك]

هذه المحاوره قديمه وكانت في اول ظهور لعبدالله الميزاني بعد الحادث الذي تعرض له

بصراحه .. من اكثر المحاورات اللي اطرب لها وانا اراها من اجمل محاورات الميزاني والمورقي



عبدالله الميزاني

مرحبا عند ربع يزبنون الدخيل
عزوة تنطح العدوان وتضيمها
ياالله انك تديم افراحنا كل ليـل
قبل لا تاقف الساعه على تيمها



ملفي المورقي

البقاء عن رجال يكسبون الجميل
والتعاليم توخـذ مـن تعاليمهـا
جارنا الله من الاقدار وقت طويل
والمشاكل يزيح عن العرب غيمها



عبدالله الميزاني

ياهل السيل يالي شربكم سلسبيـل
ويلكم من عذاب النار وجحيمهـا
طبع الانسان مايخلق لك المستحيل
ماتعـز الرجـال الا بتكريمـهـا



ملفي المورقي

خابرن جنة خضراء وظلن ظليـل
نعمـة تنعـم الاجـواد بنعيمـهـا
يتعب الرجل لين انه يضوي حصيل
مايطاوع هـوى نفسـه وتوهيمهـا



عبدالله الميزاني

هل مزاجك من الكافور والزنجبيل
بيـن تأخيـرة الدنيـا وتقديمهـا
أوزن الكيل بالمكيال يالـي تكيـل
لاتزعـل معازيبـك معازيمـهـا



ملفي المورقي

حجتك حجة بيضاء وعندك دليل
مار الاعمال دايم في خواتيمها
مافقدنا كثير ولافقدتـوا قليـل
والعلوم المباحه ليش تحريمهـا



عبدالله الميزاني

أنت نرضيك بالواقع ومن ها القبيل
بس سيـّب هل البصره وتنجيمهـا
لا تولـع فتيـل ولا نولـع فتيـل
والمخيله رعدهـا سابقـن ديمهـا



ملفي المورقي

قتمة عن عباد الله عساهـا تزيـل
أزعجتنا يابن ميـزان بوحيمهـا
الامانه على المخلوق حمل ثقيـل
قلت لك سينها واعجل على جيمها

[عبدالمجيد النفيعي]

يتعب الرجل لين انه يضوي حصيل=مايطاوع هـوى نفسـه وتوهيمهـا

جميل طرح الحكم في المحاورة

صح الله لسان الشاعرين ولاهنت

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

آخر تعديل عبدالمجيد النفيعي يوم 22-May-2011 في 09:15 PM.

[ابو فايح]

محاوره قمه بيض الله وجهك يا متابع على نقلها

يتعب الرجل لين انه يضوي حصيل=مايطاوع هـوى نفسـه وتوهيمهـا

وابو وافي مجرم كبير صدق من يتبع هوى نفسه يبا يروح فيها
بيت قوي وإشاره فهمها الميزاني

أوزن الكيل بالمكيال يالـي تكيـل= لاتزعـل معازيبـك معازيمـهـا

اوزن علومك يا ابو وافي لا نزعلك وحنا معازيبك

مافقدنا كثير ولافقدتـوا قليـل=والعلوم المباحه ليش تحريمهـا

بيت تركيب لا يوصف وتلاعب بلألفاظ في الشطر الأول تلاعب فريد يوضح فيه ملفي الفرق بين مافقده هو وما فقده خصمه في عدة أمور
والشطر الثاني يقول كلام مباح اللي قلته ما هو محرم عشان يزعلون معازيبي

[محمد الذيابـــي]

اختيار موفق لشاعرين عملاقين

التوقيع

التوقيع محمد الذيابـــي

[فيصل بن فهد الجهني]

محاوره قمه ... و جميله جدا

بس انا اتسائل .. ابو وافي يمتلك مخزون شعري قوي .. ولكن ما نشوفه كثير


وش السبب ... هل هي المزاجيه ولا على حسب الشاعر اللي قدامه ..!؟


يعني اشوف محاوراته مع تركي الميزاني .. و افتقد لهذي القوه الشعريه من ابو وافي


و لكن اشوفه الحين مع عبدالله الميزاني ... شاعر قوي .. صعب المراس .. و خصم قوي ..!!


تسائل .. اتمنى احصل له اجابه شافيه


و شكرا من القلب على المحاوره يا متابع



,,, تحيتي

[عاشق الطاروق]

لاهنت على النقل

[متابع هنا وهناك]

الله يعافيكم جميعا على التواجد والمشاركه


وهذا فيديو للمحاوره ولحنها جميل صراحه