حبيب العازمي وإحراج سلطان الهاجري !!!

[ابو فايح]

الأسبوع الماضي فالرياض في أول حفلات الصيف
كان هذا الطاروق بين ابو فيصل وابو وسام

تبين من الطاروق أن الهاجري لايرغب طرق المعنى بتاتا وطلب من حبيب أن تكون مزارق طيب وينهي الطاروق
وطلب تغيير القاف من فالح الغنامي


المعنى في شخصيه مهمه بالنسبه للهاجري

حبيب العازمي

سلطان سلطان يا راع البعير الحمر = اللي عليه الوسوم اثنين متفارقه
إليا خبطته رغى وإليا عقلته هدر = واليوم معقول بين دبي والشارقه

سلطان الهاجري

أنته عينت البعير اللي غدى فالدير = غدى علي غصب وأنا ما أقدر أفارقه
لاعاد تجرح شعوري يا طويل العمر =وأيام قامت تدور وشمسها حارقه

حبيب العازمي

العام تلقى شعيل مفلين فالشجر = واليوم سد الخيال إليا برق بارقه
الله يجبر مصابك كان عندك خبر = لا عاد تطرق عليه الباب يا طارقه

سلطان الهاجري

إن طال عمرك مع الايام وألا قصر = لابد عينك من الدمع الخضر غارقه
حنا بشر والبشر تعرف ظروف البشر = وأنا فوادي ترى شمس الهوى خارقه

حبيب العازمي

مدري شربت الهواء وألا شربت البحر = البشت مسروق والعمده لقى سارقه
حنا نقول أجودي وأثرك قلبك خضر = وأهل الهوى يعشقون الشجره الوارقه

سلطان الهاجري

المزحه اللي يا ابو فيصل تسد النحر = لكن خل المراجل بيننا مزارقه

[سعد بن مطلق المقاطي]

اكيد شخصية غابت شمسه هههههههههههه وعتراف من الهاجري


عزالله انهم مبدعين شكرك على النقل

التوقيع

ديــــــــــــــــواني

[سلطان البقمي]

فعلاً هذا المعنى ما ودك تكلم فيه حقيقه هذا رجل متوفي للهاجري معه


موقف



انا والله محزن وانا اقرا النقاش

[البرلمان]

في بالي شخصيتين من يقصدون بالظبط ؟

[محمد الذيابـــي]

الطاروق رهيب لكن بن وسام مشتت مايدري من المقصود قلبها على الهوى

التوقيع

التوقيع محمد الذيابـــي

[سلطان ابن حامد]

المشاركة الأصلية كتبت بواسطة سلطان البقمي

فعلاً هذا المعنى ما ودك تكلم فيه حقيقه هذا رجل متوفي للهاجري معه


موقف



انا والله محزن وانا اقرا النقاش

كيف متوفي وحبيب يقول


سلطان سلطان يا راع البعير الحمر
اللـي عليـه الـوسـوم اثنـيـن متفـارقـه
إليـا خبطتـه رغـى وإليـا عقلتـه هــدر
والـيـوم معـقـول بـيـن دبــي والشـارقـه

التوقيع

توترتي هنيـّا : )

[سلطان البقمي]

المشاركة الأصلية كتبت بواسطة محمد الذيابي

الطاروق رهيب لكن بن وسام مشتت مايدري من المقصود قلبها على الهوى

اخي محمد لا والله مو مشتت الا واصل حده من الموضوع وانا والله هنا واصل


حدي وتبيني اشرحه لك مستعد اعطيك جوالي وشرح الموقف بيني وبينك




انت تقصد البيت اللي يقول شمس الهوا خارقه صح؟

ج- لو قال سهم الهوا خارقه تغير المعنى لأن سهم الهوا حب غرامي والمقصد


فراق غالي وليس غاليه ... فهمت ؟


هذا توضيح الكلمه ومعناها ولا ماهي تخفى سلطان الهاجري

[محمد الذيابـــي]

المشاركة الأصلية كتبت بواسطة سلطان البقمي

اخي محمد لا والله مو مشتت الا واصل حده من الموضوع وانا والله هنا واصل


حدي وتبيني اشرحه لك مستعد اعطيك جوالي وشرح الموقف بيني وبينك




انت تقصد البيت اللي يقول شمس الهوا خارقه صح؟

ج- لو قال سهم الهوا خارقه تغير المعنى لأن سهم الهوا حب غرامي والمقصد


فراق غالي وليس غاليه ... فهمت ؟


هذا توضيح الكلمه ومعناها ولا ماهي تخفى سلطان الهاجري

رايك واحترمه ياسلطان

[سلطان البقمي]

المشاركة الأصلية كتبت بواسطة سلطان ابن حامد

كيف متوفي وحبيب يقول


سلطان سلطان يا راع البعير الحمر
اللـي عليـه الـوسـوم اثنـيـن متفـارقـه
إليـا خبطتـه رغـى وإليـا عقلتـه هــدر
والـيـوم معـقـول بـيـن دبــي والشـارقـه

هههههههههه



الله يعطيك العافيه ياسلطان

كلمة راعي يعني من طرفكم من رعايا القبيله يعني للهواجر صله معه


وهو في الامارات الوسمين هواجر وقبيله من الا مارات او جنسيتين من هذا القبيل ممكن صله اخرى مقدر اذكرها




الشطر اللي فيه خبط اعذرني عن شرحه


معقول المثوى الا خير في هاك المكان ودليل على انه متوفي بيت حبيب الثالث هنا
/





/

العام تلقى شعيل مفلين فالشجـر
واليوم سد الخيال إليا برق بارقه ( النفس تصعد السما سد الخيال بعد وفات الا نسان




والله وعلم

آخر تعديل سلطان البقمي يوم 02-Jul-2011 في 08:42 AM.

[سلمان المرشدي]

الله واعلم انا في بالي علم ماني قايله لكن البعير هذا قصته مطوله قبل سنه في حفل ابن فهيد

قد لعبو علئ هذا المعنئ يقول جبيب=

يالالاله يالهاجري سلطان عينت البعير = يالالاله الي زمان العام تنوخه وتثوره

يالالاله في مامضئ ضلا في محله يستدير = يالالاله واليوم ياراع السوالف دوره

سلطان الهاجري

يالالاله ماضاع مني الا فالوقت الاخير = --------------------------------

والله ماني حافظ المحاوره لكن في مايضهرلي ان معنئ المحاورتين واحد

آخر تعديل سلمان المرشدي يوم 02-Jul-2011 في 01:51 PM.