ياقلبي يالي يدرج به مجالي

[الضاوى الصفيانى]

قصيدة للشاعر ضاوي بن ثاعي الصفياني

ياقلبي يالي يدرج به مجالي = اشتب فيه من الهواجيس مشهاب
كنه بجال الجمر يصلاه صالي= ابجال ضو شبها الصبح شباب
يشبها والجمر يشعل اشعالي = يجذب سناها كل الاوقات غياب
حرق معاليقه وسوا اشتعالي = وشبت به النيران والكيف ماطاب
مكتوم مابه عن حميع السوالي= ولو تنشده يخبرك عن كل هنداب
يسهر عيوني ماتنام الليالي = ولاحد يصدقني على شرح الاسباب
ويصرخ كما يصرخ قوي المحالي= صرخة معيد طوعوها بمشعاب
متحير بامره وعذب بحالي= ولاله طبيب ولاتشافيه الاطباب
يلعبه الهاجوس شرق وشمالي= والي يريده دونه القفل والباب
ماهو مريحني ولاهوب سالي= دايم انا وياه في كون وعتاب
وابي اشتكي للي عليه اتكالي= الواحد المعبود رب الارباب
ثم لصنهات الحي كريم السبالي= حلال عسرات الدعاوي والانشاب
والمدح للأجواد تاريخ عالي= ويوثق لهم بالمدح تاريخ وكتاب
وشكواي تشرح جروح ببالي= ولالي دوى عن النصارى والاعراب
متغرب عنكم سنين وليالي= وراسي من كثر التفاكير قد شاب
وابغى المطير ولاحصل لي مجالي= ودارت علي روسها عكف الاشناب
واجوك تكتب لي وتخبر خوالي = وتختار من زين التماثيل مطلاب
وتقرا تماثيلي على راس عالي= ولازم تغنيها على راس مرقاب
وشكواي للطيب على كل حالي= الي لزينات التماثيل جلاب
واليا شريت اشتر من السوق غالي= واليابنيت البيت جود له أطناب
والياعنزت اعنز بروس الجبالي= راس الجبل يرفعك عن كل شبشاب
اليازبنت ازبن لقرم العيالي= الي يفكك من كثيران الانشاب
واليامشيت الدرب حذرا تبالي= ماينفعك يوم تقيمه للأصحاب
واليانويت المشي شد الحبالي= لو كان قدامك مصاعب وحراب
واليا ضربت اضرب بعزم وكمالي= مالك عن المقسوم صده وجناب
واخذ الدلايل من قروم العيالي= الطيبين الي لهم ذكر وحساب
محصلين الطيب في كل حالي = نطاحة العايل عريبين الانساب
الي لهم في الطيب قيل ومقالي= ندرا بحشمتهم لو كان غياب
وصلاة ربي عد رمل السهالي= وعداد من عدا على راس مرقاب

[المسرادي]

مـتـغــرب عـنـكــم سـنـيــن ولـيـالــي وراسي مـن كثـر التفاكيـر قـد شـاب

اللهم ارحمه وعافه واعف عنه واغفر له ونقه من الخطايا كما ينقى الثوب الابيض من الدنس وابدله دارا خيرا من داره واهلا خيرا من اهله وزوجا خيرا من زوجه وادخله الجنه واعذه من عذاب القبر وعذاب النار


شكرا لك يالضاوي الصفياني على هذه القصيده

[محمد الذيابـــي]

..


صح لسااااااانه...

التوقيع

التوقيع محمد الذيابـــي