عيضه
حيّا الله الشاعر اللّي ذكّر الحضّار بالعيد=اسمه مسمّى على عيد الضحيّه ورمضاني!!
شفناه يومي بحبله فوق راهيت المورايد=لكن حبله قصير..ولا لقيله حبل ثاني!!
عيد
بقيت يا الشاعر اللي ما توخر فالمواعيد=الاسم عيضة و لا ندري فرس و لا حصاني
يا عيضه اصحيبك اللي تعرفه ما يعكس السيد=هات المعاني و خذ في سدها جزل المعاني
عيضه
لا بالله ألاّ حصان وقص دربك زين ياعيد=ساهر تراه يتنقل من مكان اليا مكاني!!
واليا لزمك المرور وقال الّك: جنّب على حيد=قول العرب نصّها ماتربط حزام الاماني!!
عيد
كانك حصانٍ صحيح و للوازم تقطع البيد=أما اتجه للجدي و الا انحر سهيل اليماني
قلبي دليلي و صاحي للحرامي يا بلاهيد=علم بها اللي على دربه غدت عشره ثماني
عيضه
كانك ذياب ابن غانم وش تسوّي قدم أبو زيد=مع سيفه سيوفكم تصبح سواة الخيزراني!!
تحمد الله ليا منّك سلمت من العباريد=الموت لن وقّع العبرود من بين الأذاني!!
عيد
ما ني سوات الغشيم اللي براسه يضرب الحيد=لي قوةٍ ما يقاومها فلان و لا فلاني
مانيب صيده مثل بعض العرب لمدور الصيد=الظاهر أنك رهينه في يدينه من زماني
عيضه
قلبك هواوي وغاوي في هوى ملعونة السيد=وعيونك من المفارق مثل قشر البرتكاني!!
لو أن رجلاك فيها عافيه مالزمك القيد=ولو أنك بخير ماجيت لطبيب المخ عاني!!
عيد
قدامنا وقعوا في حبها روس الصناديد=و أنته على دربها من حبها جاك الجناني
و أنا مجند حياتي للوطن يا خوك تجنيد= و أن خيروني تخيرت الوطن ماني جباني
عيضه
كثرة كلام البدو ماغير من كثر التراديد=عساني أموت وأنا العلم ماعاده لساني!!
مدام قصدك كذا عساك تصبح صبح ياجعيد=أمتن من الهاجري..وأقصر شوي من السناني
عيد
ما نلتفت يا الثبيتي في سوالف زيد و عبيد=الصدق ينعاد ما ينمل فالسبع المثاني
أنته من الشك و الريبه تحصلت المناقيد=حتى كبر من سبايبها سنامك يالعماني
« آخـــر الـــمـــشـــاركــــات »
10-Oct-2011, 01:32 AM
العرض المتطور
