اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
20-Oct-2011, 05:03 AM | رقم المشاركة : 1 | |||
|
قصيدة ابن مبرد في الشيخ برجس بن عصاي
اخواني اعضاء منتديات الهيلا السلام عليكم ورحمة الله وبركاته وكل عام وانتم بخير جميعا واحببت ان انقل لكم هذه القصيده وهي في شيخ من شيوخ الدلابحه ورمز من رموز عتيبه وهو الشيخ/ برجس بن مقحم بن حازم بن عصاي البارحه يـوم أدبـح الليـل وأنـدار=دكّن عليّ هجـوس قلبـي مناحيـر فكّيـت دولاب الضمايـر للأفـكـار=مستعرضٍ موجـز كلامـي بتعبيـر بابيات نظم الشعر زينـات الأسطـار=صّورتها من دقـة الفكـر تصويـر تبقـى معانيهـا لـلأيـام تـذكـار=للّي عليه بهاجـس الفكـر تقصيـر فكّـرت بالدنيـا والأيــام عـبّـار=ذولـي مقابيـلٍ وذولـي مدابـيـر تجري بنا مجرى السفينـه بالابحـار=دنيـا مدبّرهـا ولــي المقـاديـر دنيـاً سوالفهـا طويـلات وقصـار=ويبدي بها مع مبداء الأيـام تغييـر كمّ ماعرف عنها وكمّ تخفي أسـرار=ولابه حدٍ يعطي عن الكـون تعبيـر ومن بعد ذلـك يانديمـي بالابصـار=ياعزّ راسي ياعضيدي علـى الغيـر بالله خـذ لـي هالرسالـه ومقـدار=ساعه توصلهـا زبـون المخاسيـر ملفاك برجس مكرم الضّيف والجـار=علـى اللّـوازم مايعـرف المعاذيـر من حين تجلـس دلّـة البـنّ تنـدار=وتصحب بترحيـب المـوده وتقديـر ويبـا يخصّـك لابديتـوا بالاخـبـار=عنّي فقل يهـدي التحيـات وبخيـر منيّ سـلام عـدّ همّـال الأمطـار=وأحلى من السّكـر بـدر المباكيـر حيثه عليّ أشفق من الوالـد البـار=لأغلى عيالـه باللّيالـي المعاسيـر الطيب ساس وطيّب السـاس مابـار=ولو طاب قدامـه رجـالٍ مشاهيـر قدّامه العصّـاي صلبيـن الأشـوار=مقـدم عيـالٍ ينطحـون الصوابيـر دلابحـه لامـن عـجّ الرمـك ثـار=لاصاح صيّاح الضحى عقـب تحذيـر آلاد روق اللّي يدوسـون الأخطـار=مركاضهم يشبع به الذيـب والطيـر واللّي يبا يزعـل بمدحـي للأخيـار=يضرب براسه في حصى هضبة النير قلته وأنا مالي ورى الناس مضمـار=أنا حميدانـيٍّ علـى الشـرّ والخيـر من لابةٍ يـوم الحرايـب لهـم كـار=السّربه اللـي يحتمـون المعاشيـر ياما رموا بأرماحهـم طيّـب أذكـار=وعليه داسـن الرمـك بالمساميـر ولانـي بذمّـام لوافيـن الأشـبـار=كلٍّ يموح براس حبلـه مـن البيـر وصلاة ربي عـدّ ماينبـت أشجـار=وعداد ماغرّد علـى غصنـه الطيـر على رسولٍ في طريق الهـدى سـار=بأمر الإلـه وقـرّر الحـقّ تقريـر الشاعر/فلاح بن مبرد الحميداني المطيري وهذا رد الشيخ برجس بن عصاي عليها أهتزّ عرش القلـب والبـال محتـار=في غبّةٍ يسبح بهـا الفكـر ويحيـر وأخذت مع موج الهواجيس مشـوار=حتّى صفى جوّ الفرح عقـب تكديـر فرحت فرحة سالـمٍ غـبّ الأضـرار=وأفرح من اللّي يكسبـون الدنانيـر ياعلي هات لي القلم وأشعـم النـار=من شان أصخّر عاصي القاف تصخير لياملت في سوق التماثيل أبا أختـار=كنّي على فـرغ العيـون السواهيـر يامرحبـا ترحيبـةٍ سـرّ وجهار=بـرسالةٍ مـن صـادق القلـب تفسيـر أهلا عدد مـن طـاف بالبيـت زوّارو=عدّة هماليـل السحـاب المزابيـر ومن بعدهـا ياراكـب شـدّ بيطـار=مكرّرٍ في مصنـع الجمـس تكريـر ماتسمع إلا صـوت سيـره ليـا دار=ماصدّ بلفه عـن عمـود العصافيـر إليا حداه مـع أجـرد القـاع جبّـار=يفرض عليه يقـرّب البعـد ويصيـر دندون غـدراً ضابـط وزن الأقطـار=ينـدلّ بالحكمـه وحفـظ المواثيـر يعمل على ممسـاه قصـد بالأنظـار=ويلـقـى دروبٍ وارداتٍ مصـاديـر موجـهٍ صـدره شمـالٍ بمـحـدار=عساه يكتبلـه مـن الـرب تيسيـر مدهـال ربـعٍ يجذبونـه بالأذكـار=أهل الفعايل يـوم سـوق المظاهيـر القصر مايبنى بـلا سـاس وجـدار=والمـدح للطّيـب شهـاده وتشهيـر واتمنا ان تنال اعجابكم |
|||
|
|
20-Oct-2011, 06:06 AM | رقم المشاركة : 2 | |||||
|
,,
نقل رائع لاهنت يالغالي ,,,,,
|
|||||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|