سلطان الجذع=
قامت رحا الدنيا يابو طايل تلف وتستدير=وان كان هذا حالها ... لاجمّل الله حالهـا!!
ام الكباير تجحد النعمة وتكفر بالعشيـر=ليتك تطلقها وترمي بالثـلاث حبالهـا!!
سعود العصيمي=
راع الوفاء باقي محله مايعوّد فالاخير = دار الزمن والا بقى الخيل من خيالها.
حنا من الروس الكبار ولايصغرنا الصغير= و العامرية كيف تجحدني وانا رجالها.
سلطان الجذع=
وش قيمة جناح الدجاجة يوم ماتقـدر تطيـر=كلمة غضب علم بها عـم العلـوم وخالهـا!!
غبرا ومقعدها المرض عامين في ظهر السرير=والله واعلم يالعصيمي لو تموت أشوى لهـا!!
سعود العصيمي=
ندهن لها فالسير ياسلطان وتزين وتسير= هذا جزاها والعرب تجزا بحسب اعمالها.
الله وكبر ياحمول ٍ شالها ظهر البعير = يوم اتعين فالحمول اقول كيف اشتالها
سلطان الجذع=
عز الله أنك شاعرٍ مبدع ومقدارك كبيـر=لكن لاتجلسك بنت اللاش عند عياليهـا!!
لاتحتري رد الثناء من واحدٍ مافيه خيـر=وانته حمولك ياولد عاصم تعرف جمالها!!
سعود العصيمي=
شهادتك نفخربها ياامير ياولد الامير= مار البشوت الشقر لايمكن تجيب ابدالها.!!
لالاك يابن زهير ما دور لها الشاعر جرير = وان كان ماحليتها فال الله ولافالها
سلطان الجذع=
ماعاد باقي للقضية غير تحديـد المصيـر=والله لانقـز بالقديمـي قلبهـا وطحالهـا!!
الحل / علمٍ لاذكرتك يجذبه سلـك الحريـر=من يوم راسك مال طاحت غترتك وعقالها!!
سعود العصيمي=
شاور ومن شاور لابده مايشير ويستشير = عساك تلقى حلها ويحلها حلالها!!
من ريس الشوى ماتلقى لاقليل ولاكثير = ولياحصل لك مكرمه جازيتكم بامثالها!!
+
سلطان الجذع=
وش عاد باقي لك على الميقاف يالعظم الكسير=في الليله اللي يخلف السارين نور هلالهـا!!
أطلع بها قمة كرى وانزل بها البحر الغزيـر=لين المزون يبل وجه الارض وبل خيالهـا!!
سعود العصيمي=
انته تجر الصوت ياسلطان من عبر الاثير=لكن وين اصحابك اللي تفتخر بافعالها!!
فالسمن والبر الحمر والله مانقبل شعيـر=يالموجه اللي للعرب قامت تبث ارسلها!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
02-Dec-2011, 09:58 PM
العرض العادي
