محمد الربيقي وسفر الدغيلبي " 4/1/1433هـ "

[أحمد المويعزي]

السلام عليكم..

مساء الخير..


طاروق من حفل إجتماع قبيلة الوسده من حرب في مدينة بريده..

الطاروق كتابي وفيديو..

محمد الربيقي:
في ملتقى اللي ملتقاهم على الطيب=يامرحبا ترحيب طيب وكرامه
يابن سعد تالي ليالك تعاجيب=كل"ن"يحاول عين زرقى اليمامه

سفر الدغيلبي:
تبقون عقب إنا سمعنا التراحيب=باللي سمعنا ماعليكم ملامه
كثر الرعايا كبرت طمعت الذيب=صار يتعدى ضيم يم الجهامه

محمد الربيقي:
لاخفت من شرهات بعض الاصاحيب=البيت بنيه مايعادل هدامه
ودي نقول انك على حق ومصيب=مير العلامه من وراها علامه

سفر الدغيلبي:
بيتي مثبت بالعمد والاطانيب=لاتشتمه وانت آكل"ن" من طعامه
أهدافك صعيبه وتفكيرك صعيب=لكن عيد لا انتهت بالسلامه

محمد الربيقي:
ماقلت يارجال فبيوتكم عيب=لكن نوب العنصريه غشامه
قدام لايدخل بك الشك والريب=إن ما لقيت شداد تلقى مسامه

سفر الدغيلبي:
راحو قبايل حرب مثل الاجانيب=وهمه ربع في نجد ولا تهامه
ظلالنا ظلل طوال المراقيب=ماهو بعود العرفجه والثمامه

محمد الربيقي:
ما نقلط الا مع كبار المعازيب=يشهد لماضينا نهار الرغامه
قامت على راسك تدور الدواليب=تسمك غمامه لا تجلت غمامه

سفر الدغيلبي:
لا وصلك ابن حميد وبخيت وزريب=اختر عمار الحظ ولا دماره

[محمد الذيابـــي]

محاورة جميله جدا


دائما اختيارك موفق يالمويعزي..

التوقيع

التوقيع محمد الذيابـــي

[ابو فايح]

طاروق لأبأس به

لاهنت يا أحمد

[ابو فايح]

طاروق ما عليه

وعند الشاعرين أقوى منه


لاهنت يا أحمد

[الحافي 1]

لاجديد قاف تقليدي على قول الدكتور حسان

[مهجرس]

شعراء معليهم كلام

و اذا تقابلوا اطربوا الجمهووووووووور

مشكور يا احمد

[الكلبي الجهني]

لا وصلك ابن حميد وبخيت وزريب=اختر عمار الحظ ولا دماره

غريبه على شاعر بحجم سفر يخطي بالقافيه؟؟؟؟؟؟

[خالد السويداني القحطاني]

طارووق لابأس به
والقااافيه
اختر عمار الدار ولاعداااامه

[قاسي العتيبي]

المشاركة الأصلية كتبت بواسطة الكلبي الجهني

لا وصلك ابن حميد وبخيت وزريب=اختر عمار الحظ ولا دماره

غريبه على شاعر بحجم سفر يخطي بالقافيه؟؟؟؟؟؟

أحمد المويعزي ماقصرت في نقلك للموضوع لكن أخطئت في البيت الأخير في المحاورة

سفر يقول
إما عمار الدار وألا هدامه

وزين إنك أدرجتها يوتيوب على شأن يقتنع بعض الناس

[الكلبي الجهني]

مشكور على التعديل

وانا قلت مستحيل شاعر كبير يخطي بقافيه