سعود العصيمي=
يابو فيصل كم بنيت من البيوت وكم بنانا=كيف في يومين مانبنيـه يامقعـد تهـده
والله إنا مابغينـا اللـي مقفـي مايبانـا=مانبي اللي مايبانا ياعسى الله مايـرده.!!
مقعد الدغيلبي=
بنينا معروف وانتم بنيكـم عيـا يباآآنـا=بنيكم جاته سيولٍ تنوصف بسيـول جـده
ماتوانا في لزومـي يالعصيمـي ماتوانـا=وانت تال الوقت صاير فيك ميل وفيك صده
سعود العصيمي=
البلد هذا بلدنا والسماء هذا سمانا = وان جحدت العلم هذا غيرك رجال ٍ تعده!!
الجماعه مارضوا فعلك وحنا مارضانا = عايم ٍ لك في بحر ماينعرفه جزره ومده!!
مقعد الدغيلبي=
السما للكل ماهوب الك وان دارت رحانا=واحدٍ مثلك بطينه ياولد عاصـم يهـده
آخر الايام جانا علم منكم كيـف جانـا=والبعير شعيل وسمه لايحٍ من فوق خده
سعود العصيمي=
الطعام الني ماهو يالنعيري من عشانا = مايجون اهل المسامه في محل اهل الاشده!!
من يدورنا على الطالة يابو فيصل لقانا = والكلام اللي ماهو مني عليه لاترده؟
مقعد الدغيلبي=
خلها في كبد اهلهـا دام مايلحـق مدانـا=من صنع له شي ضدي عندنا ياسعود ضده
ياشواربنا دخيلك كيف عذرك مـن لحانـا=وان وصلك العلم مني ضم علمي ثم شـده
سعود العصيمي=
انت طول العمر وانته في ذرا الله ثم ذرانا = واجب ٍ يستدعي احضوري حضورك مايسده!!
ماعلانا من علومك يالنعيري ماعلانا = مايجيه الشك رجل ٍ ينعرف خاله وجده!!