![]() |
اختيار تصميم الجوال
![]() |
![]() |
![]() |
|
![]() |
![]() |
![]() |
![]() |
![]() |
أدوات الموضوع | انواع عرض الموضوع |
![]() |
![]() |
![]() |
![]() |
رقم المشاركة : 1 | |||
|
![]() يا مكثرين الهرج لا أسمـع ولا أجيـب = تريحوا من فضلكـم واسمحـوا لـي
تريحـوا لا تلحـقـون المشاهـيـب = على الردى مانـي شفـوق عجولـي بالعقل والصبر أدب النفـس تاديـب = وإلا لهـا مـده تصـول وتجـولـي خلج ترازم فـي سيـاج المحاديـب = ما فيهـن اللـي بالعقـال معقـولـي أشد وطية زور مـن شمـخ النيـب = إليا ضاع مفعول الحيـل والحلولـي أنـا لا قلـت أرتـب القـول ترتيـب = حتى يجـي كـي علـى فـك قولـي إليا أرسلت لأفكار القريحـه مناديـب = ترايعن مـن عقـب ما هـن جفولـي لكن مالـي مـن وراهـا مكاسيـب = لو كان عشاق القشـر صفقـوا لـي ما مستفيـد إلا العـدو والأجانـيـب = ولانـي مطيـع مقرقعيـن الطبولـي خليتهـا تعطـي فجـوج مجاديـب = جربا تجـود فـي رسنهـا مهبولـي والله لا أجنـب دام لـي درب تجنيـب = من شرهة حشام الرفاقـه خجولـي لـو إنهـا بيـن النحـر والتلابيـب = من الحيا وجهـي مهـوب مغسولـي طبـع لنـا نشـب عليـه ونشيـب = وطبيـعـةٍ لعـلـهـا مـا تـزولـي على الجماعه للجماعـه مواجيـب = إلى جهلـوا قـدر الرفيـق الهتولـي ماني على ربعي قريـب محاضيـب = أدنـاة ما يخلينـي أسـرج خيـولـي إن جات من طيب شقاها على الطيب = لو إنها عوج مـن رقبـة الذلولـي وإن جات من مسكين منطق وأساليب = حطيتهـا بيـن الثـرى والنعـولـي لا حركـت شعـره ولا طلعـت شيـب = ولا ضيقت صـدري ولا طـق جولـي وإن كان في صبري على ميلهم عيب = العيب تفتيـش الصـرر والحثولـي لا قمت تذكر فـي رفيقـك عذاريـب = وتبيـن عيوبـه لذولـي وذولــي صبرك على ربعك عـلاج وتطابيـب = يقصـر حبـال السالفـه لا تطـولـي حتى ما يلقا فـي طرفهـا مقاضيـب = كـراه خيـر وللمشاكـل ميـولـي وإليا بليـت بتايـه شـره وصعيـب = يقول أنا العـراف وأنـت الجهولـي قـل الله الله يا حصـان الأطالـيـب = يالفاهـم العالـم عطيـب الفعولـي هذا الكلام اللي مافي صحتـه ريـب = لانيـب لا حولـك ولا نتـاب حـولـي حصان وبن حصان طيـب مجاذيـب = وبالمعرفـه رجـل محلـي ودولـي خله يروح يخطي الـدرب ويصيـب = يقول ما بالنـاس عرضـي وطولـي والفرق ما هو باللحـى والأشانيـب = الفرق بين النـاس فـرق العقولـي كم واحد تحسن بـه الظـن ويخيـب = السـن يضحـك والفـواد معلولـي واللي غدت به كلمة ما لهـا غيـب = ما هو من أطيب ربعي اللي غدولـي يالله عساها صيحة فـي قفـا ذيـب = وقلـع النيـا بينـي وبينـه يحولـي الرجل ما يغصب على الطيب تغصيـب = إليا صار ما هو دل ضمـن الدلولـي ومن عادة اللي طيبه يحضر ويغيـب = لا طالـت الرفقـة زهـوق ملـولـي وإليا بلنـك غبـر اليـام بصحيـب = في مستوى طيبـه صعـود ونزولـي اعرف ترى الدنيا دروس وتجاريـب = والكامـل الله والنـقـا للرسـولـي لا تصير مشـذاب يقـص العراقيـب = خلـه وراع الأولــه وش يقـولـي أخذت حكمه مـن كـلام اللواعيـب=للطيـب نـاس وللعـذارى فحولـي الشاعر / لافي الغيداني . |
|||
![]() |
![]() |
![]() |
![]() |
![]() |
![]() |
![]() |
![]() |
رقم المشاركة : 2 | |||||
|
![]() ,,
من اروع ماسمعت للشاعر لا في بن حمود,, لا هنت يالغالي’’...
|
|||||
![]() |
![]() |
![]() |
![]() |
![]() |
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|
![]() |
![]() |