جليس الليل

[شاعر الدرع العربي]

ياليل انا الليله جليسك وشاعرك = وانت الونيس اللي ليا جيتك القاك

جل وتعالى اللي لخلقه مصخرك = تتلى النهار اللي ليا اقفيت يقفاك

يجي اخره باولك واوله باخرك = =====كنك تحرا جيته ويتحراك

وانا انتظر جيتك واجلس واسامرك=اشتاق لك واعشق سكونك ومسراك

تسمر مع شعوري وشعري مشاعرك=يوم اتحرا هجعة الناس واقراك

استغفرك يارب واحمدك واشكرك === يامن بتدبيره يدورن الافلاك

ويافكر عن ماضيك فضفض لحارك =واستر عيوبك عن محبيك وعداك

ولا كل من يضحك بوجهك ويشعرك==انه من اصحابك ومهتم برضاك

(تفك له صدرك ويعرف سرايرك ==== وتقول لا يدرون ذولا وذولاك

ليا سمحت لسر صدرك يغادرك === بيغادر اصحابك مثل ماتعداك)

ولا تنغرس زلة رفيقك بخاطرك ==== وتنزل ورا نيات قلبه نواياك

صبرك على الجاهل دليل لتطورك=ودليل اصالة منسب اصلك ومنشاك
صح لسانك بن سلوم الهيلوم
ابداع بدون مجامله
والله انا اول مره اقرا لك
نقلي اعجاب ليس إلا
شعر جزل ومليء بالحكم
والفوائد سلم لسانك
تقبل مروري وتحياتي

آخر تعديل شاعر الدرع العربي يوم 12-Jan-2012 في 03:08 AM.