وطنا ياوطنا فالك التقدير والعرفان = نقلدك الولاء والحب قبل السمع و الطاعه
يكفينا فخر دار الرسول ومهبط القرآن=ثرانا موطن الدين الحنيف وقبلة أتباعه
تغنى لك طيور الشوق فرحة بأجمل الألحان= على صبحاً تنفسنا ثلاث عقود مرجاعه
تحت حكم الزعيم اللي برايه يرجح الميزان=أمل كل القلوب وطب قلباً زادت أوجاعه
مليكاً كن ربي خالقه رحمه على الأوطان = ضفى بشته على دم العرب ويلملم أوضاعه
تجمعنا على حبه نبروز صورة الوجدان= على حفلاً رسم مانع ملامح روعة إمتاعه
مطاليعك يامانع فاللوازم لك شهود أعيان=عزومك لابدى الميقاف جباره وطماعه
كريم المد محمود السجايا مكرم الضيفان=مشرع باب بيته بالكرم ماصك مصراعه
ليا هاجت بحور الجود مانع بالعطا ربان=على بحر الكرم والجود كفه فارد شراعه
سحايب جود كفه جمعتنا واللقاء برهان=لأن الصيت والنوماس ينمو في ثرى قاعه
صعد صيته مع أفعاله وذكره للفخر عنوان=ليا مر الفخر يشر عليه المجد بإصباعه
سلايل بالعلا وقت اللقا ومواجه الفرسان= شيوخاً كل فارس نجدته منهم من ذراعه
شيوخاً حازت المجد التليد وتبهر الأذهان= نجوماً في سما التاريخ للأجيال لماعه
مصابيح الدجى ستر وحجى وأكرم من الهتان=وماقف مانع يبرهن لنا صيفه ومرباعه
معانق غيم دكتور الأدب والطب والقيفان= حمد وصل العصيمي فارس الميدان بإبداعه
كذا ناتج جهود اللي سبح في غبة الأوزان =كذا نور العزم يكسح ظلام الياس بإشعاعه
ربط جاش الهقاوي وأحتمى حرفه على الميدان= وجات خيول شعره بالقصيد العذب فزاعه
يكفينا فخر شاعر ملك وينومس العتبان = عتيبه كلها تفخر بنجماً زان مطلاعه
وأنا شاعر حضرت أنقل مشاعر ربعك العضيان= يهنونك على عرش الصداره وأبرك الساعه
الشاعر / ضيف الله عماش العضياني