في ماقف الشده ولو كنت منضام=شغلك ترى يابنت غسل المواعين

[عبدالله الـعتيبي]

مساكم الله بالخير

ياعيال العم كيفكم ان شاء الله بخير

سويتلي بيتين توي وقلت رايكم يهمني

أصبر على ضيم الليالي والايام=لا تنهمر عيني من الهم تغبين
في ماقف الشده ولو كنت منضام=شغلك ترى يابنت غسل المواعين

[محمد الذيابـــي]

..



صح لسااااااااااااانكـ,,,,,

التوقيع

التوقيع محمد الذيابـــي

[عبدالله الـعتيبي]

صح بدنك

واخيرا عرفنا نوزن ههههههههههههه

اشكرك محمد على ردك

وبصراحه

انا مدري ليش ليا شفت نكك ارتاح

اي والله ويشهد الله

[حسين البقعاوي]

المشاركة الأصلية كتبت بواسطة عبدالله الـعتيبي

مساكم الله بالخير

ياعيال العم كيفكم ان شاء الله بخير

سويتلي بيتين توي وقلت رايكم يهمني

أصبر على ضيم الليالي والايام=لا تنهمر عيني من الهم تغبين
في ماقف الشده ولو كنت منضام=شغلك ترى يابنت غسل المواعين

مساك الله بالرضى والنور

ياهلا والله بابن العم.


بالنسبة للوزن: فهي موزونة 100% على (المسحوب)

اما بالنسبة للمعنى:

1- وش تقصد بـ(تغبين) الغبن والقهر؟ أظن لو كانت كلمة ثانية يكون افضل، مثل (البين)، مثلا لو قلت (ولا ينهمر دمعي من الهم والبين).

2- شغلك ترى يابنت غسل المواعين! الذي فهمته من البيت الأول والشطر الأول من البيت الثاني، أنك تخاطب نفسك، ثم انتقلت الى مخاطبة البنت؟ من وجهة نظري تحتاج تسلسل وربط للحدث.

لكن الأبيات أبياتك والشعر شعور وانت مَلِك شعورك، فهو نطق لسانك وخط بنانك.

وبالتوفيق وننتظر جديدك يالغالي...

[عبدالله الـعتيبي]

حسين الله يسعدك ويوفقك قوووووووووول امين

انا ما ابي الا انتقادات

يعني التسلسل ماعرفت وش تقصد ياخوك
كيف اتسلسل فالابيات

يعني تقصد اذا حبيت انتقل لمثلا مخاطبت بنت يكون بتسلسل وطريقه جميله
مايكون فيه شطحات على ماقالو من موضوع لموضوع

ثانيا انا مبتدي ولدي اسئله

التفعيلات الشعريه وش هي ياطويل العمر؟؟
وكيف اعرف ابياتي جزله وفيها معنى ولالا؟

لان انا احب الشعر ونفسي اكون شاعر وعندي موهبه لكن مره قال واحد ابياتك فاشله
منكم نستفيد

بالتوفيق

[عثمان الثبيتي]

صح السانك واصل بيوتك جزله مافيه شي مستحيل اتمنى لك التوفيق

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[الغضنفر]

قصيدتك ياعبودى جزله وراها شاعر بحر واصل ولايهمك احد وسجل اعجابي بقصيدتك اما ولد العم حسين البفعاوي ايمر على قصايدى وينقدها لني في حاجه لنقده ومنه استفيد وله الشكر

[حسين البقعاوي]

المشاركة الأصلية كتبت بواسطة عبدالله الـعتيبي

حسين الله يسعدك ويوفقك قوووووووووول امين
انا ما ابي الا انتقادات

وهذي أهم خطوة لطلب أي علم سواء شرعي أو علمي أو أدبي....الخ
هو (التواضع لطلب العلم) وعدم الخجل من الأسئلة.

المشاركة الأصلية كتبت بواسطة عبدالله الـعتيبي

يعني التسلسل ماعرفت وش تقصد ياخوك
كيف اتسلسل فالابيات
يعني تقصد اذا حبيت انتقل لمثلا مخاطبت بنت يكون بتسلسل وطريقه جميله
مايكون فيه شطحات على ماقالو من موضوع لموضوع

بالضبط، يعني كأنك تقول قصة أو حكاية أو موضوع. يعني لما يسمعها المتلقي يحس انها متماسكة ومترابطة، وإذا كان لابد من شطحات فتكون بطريقة حلوة ، خذ مثال قصيدة الصارم ابن عرويل وهذه بعض ابياته
جاهم معمر بس راح مدمر = يسحب جيوش الذل روحة جية
صج العرب بالصوت زنقه زنقه = والى الأمام وثورةٍ ليبية
ونهايته فالمشنقة بيعلق = ولا يموت بسكتتٍ قلبية
لأن الرصاصة فيه نستكثرها = وأغلى منه فالقيمة السوقية
باخذ شوي وبرجع لموضوعي = بعد ما عد النشرة الجوية
الناس ماتت بالغرق في جده = والسبه من البنية التحتية
وامين جده قال مالي دعوى = والمشكلة من هيئة المالية
ياراعي المعنى مادامك شاعر = نبيك تكتب فالعرب مرثية

انتقال من موضوع الى موضوع أخر، بقمة الإتقان.

المشاركة الأصلية كتبت بواسطة عبدالله الـعتيبي

ثانيا انا مبتدي ولدي اسئله
التفعيلات الشعريه وش هي ياطويل العمر؟؟

التفعيلات أو ما يسمى بـ(العروض) هي علم عن طريقه يسهل على الشخص معرفة الوزن وليس له علاقة بالمعنى أبداً، أي انك من خلاله يمكن أن تقول ان هذه الابيات موزونة أو لا. وهو جاء كطريقة ممنهجة للألحان.
وبعض الشعراء لا يعرض قصائده على التفعيلات، لأنه (يجرها بالصوت) . فاللحن يبين لك البيت الموزون من المكسور، وهذا ما كان عليه الشعراء قبل تدوين علم العروض.

عموماً العروض بسيطة جداً لكن تحتاج تركيز، وأن أرى أن نفتح له موضوع مستقل في قسم المحاولات الشعرية، ونتعلم سوياً. (لكن ماهو اليوم :d ) أبي انام.

المشاركة الأصلية كتبت بواسطة عبدالله الـعتيبي

وكيف اعرف ابياتي جزله وفيها معنى ولالا؟

هذا هو مربط الفرس، والفارق بين الشعراء.
خذ مثال (وأنا كثرت عليك الأمثلة :d ) لو جاء شخص قالك قصة غزوة مثلاً ومن براعته بالوصف تشعرأنك موجود فيها في الغزوة أو انك تراها رأي العين، وجاء شخص أخر وقالك نفس القصة بس بشكل بارد أو مافيه توصيف، هل فيه فرق.
أنت بالنهاية سمعت القصة من شخصين مع فارق الأسلوب. هذا بالضبط منطبق على الشعر.
طريقتك في شرح ووصف شعورك لدرجة ان المتلقي يحس بأن هذه القصيدة له وأنه يشعر بهذا الشعور، لكن هذا يتطلب أن تكون في بيئة شعرية أو أن تتذوق الشعر من الشعراء لحين تتقن هذا الفن.
وهو ما يسمى الملكة الشعرية.

المشاركة الأصلية كتبت بواسطة عبدالله الـعتيبي

لان انا احب الشعر ونفسي اكون شاعر وعندي موهبه لكن مره قال واحد ابياتك فاشله
منكم نستفيد

ما فيه شاعر انولد ومعه قصيدة أو معلقة في يده، هي مهارت تكتسب مع الوقت.
بالنسبة للأوزن يمكن ان يتعلمها الشخص، اما المعاني والوصف فهو شعور، ولا يمكن تعلمه.
بل للعلم بعض الشعراء الأوائل ليس له إلا قصيدة واحدة وتسمى يتيمة، لكنها تغني عن مئات القصائد.

وفي النهاية، بما أنك تود التعلم، (فخذ نصيحة من أخيك) لا تنسى أن كل كلمة تكتبها ستكون لك أو عليك، لاسيما في الشعر، فربما تكتب بيت، ويشاء الله أن ينتشر بين الناس، فاحرص ان يكون كله فيما يرضي الله.

أسأل الله أن يجعل قلمك ولسانك سيف لنصرة الإسلام والمسلمين.

[فيصل مطر]

الله
الله
الله

صح لسانك مليووووووون

ياشاعرنا المبجل والقدير/ عبدالله العتيبي


كلام سليم وشاعر حيكم ومستقبل عضيم

لاكني اعتقد

حلوله عضمته من سبع الى خمس سنوات ان الله منحك عضمة الشعر مستعجل


تحياتي لك يابطل شعراء عتيبه الجدد وبالتوفيق انشالله

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عبدالله الـعتيبي]

المشاركة الأصلية كتبت بواسطة عثمان الثبيتي

صح السانك واصل بيوتك جزله مافيه شي مستحيل اتمنى لك التوفيق

صح بدنك ياعثمان

مو لهذه الدرجه مافيها شي لاني مبتدي ولا بد ان اقع بأخطاء وبعد تعديلاتكم وانتقاداتكم نقدر نقول :d