وصل العطياني وحبيب العازمي الديربي الساخن

[ابو عاتق]

إخترت لكم هذا الطاروق بين حبيب والعطياني

طاروق من يفهم الشعر لن يفوت عليه إلتقاط الرمزيه فيه الخاليه من التعقيد والتكلف

ابو فيصل مبدع أينما حل ّ ووصل العطياني شاعر يرضي الجمهور أينما كان


وصل العطياني

يالعازمي ماعينت شعيل = ماعاد له في الدير جره
مدري عطا الخبت تال الليل = ولا توقل مع الحره


حبيب العازمي

شفته بعيني بلا دربيل = يهتز ويقاطع الجره
ياوصل ماعاد فينا حيل = نقلب على الكون ونفره


وصل العطياني

عساه ماهو في درب السيل = سيلً يشيله على غره
مادام ظهر البعير يشيل = لاتكبرون الحمل مره


حبيب العازمي

حتى لو السيل شاله شيل = تبقى بقاياه منثره
مادام للسالفه تطويل = حول الدسم تدبي الذره

وصل العطياني

لو روحوا متعبين الخيل = مازالت الكبد محتره
الدم يحتاج له تحليل = مايصلح العبد للحره


حبيب العازمي

راحوا هل الخيل جاك الريل = وابو محالات مفتره
الحره اللي لها منديل = في حضرة العبد منغره


وصل العطياني

أهل الفعل جيل يتبع جيل = وش رايك نعاود الكره
قل لام منديل بنت النيل = والله لتشكين من شره


حبيب العازمي

ان شد بسيان شد كحيل =ثم يبعث محمد الدره

آخر تعديل ابو عاتق يوم 05-Apr-2012 في 02:16 PM.

[سعد بن مطلق المقاطي]

محاوره رايعه لكن موقع وتاريخ المحاوره لو سمحت


ولاهنت

التوقيع

ديــــــــــــــــواني

[ابو عاتق]

تاريخ المحاوره نهاية صيفية العام الماضي

[سعد بن مطلق المقاطي]

المشاركة الأصلية كتبت بواسطة ابو عاتق

تاريخ المحاوره نهاية صيفية العام الماضي

شـــــــــــــكرا

[تايه الغربه]

انشد بسيان اشد كحيل

كبير يابو فيصل بدون قصور في وصل
بارك الله فيك نقل جزل من الجزاله

[قاسي العتيبي]

ابو عاتق لقد تميزت بأختيارك الرفيع
محاورة قمة لشعراء اعتلوا قمة المحاورة أبو فيصل وأبو مشهور دواهي الشعر


أبو عاتق
طالبك تزودنا بجديدممدوح العطياني
تحياتي

[فهد علي العازمي]

مشكور مشكور