ياخبير الشـعر باب المجاراه مفتوح

[عثمان الثبيتي]

المشاركة الأصلية كتبت بواسطة عتيبي شامخ

ياخبير الشعر ماتسمع نحيبه *** قام يبكي يوم يبكنه عياله
العيال اثنين والبنت الاديبه *** فاختنه واصبح يدوج لحاله
افزعوله قبل ماينشق جيبه *** آزهم الشعار تفعل به جماله
أتعبه طول الزمان وبان شيبه *** قصته تلوح والشارب هلاله
آبتلش مابين مطلوب وطليبه *** والمحامي ماقبل منه الوكاله
بالعنايه حضروا عنده طبيبه *** والمغذي في يده عزي لحاله
المجله والقنوات الغربيه *** كسرنه مثل تكسير البياله
مايفيد ابه الدواء واللي يجيبه *** الورق حطوه والكوره بداله
يوم بعض الناس غنا يفتريبه *** هو يباه ابجد والا من جهاله


زايد بن طريخم المقاطي

الغطغط

اخوي عتيبي شامخ راق لي معناك وحبيت اجاريك والمعذره على القصور والله يجملني

يالخبير اللي كشف سر المصيبه = البلا بالحمل والا في جماله

او بعقلً يسكر بحبة زبيبــــــــــه = لاكلاها توصله حد ا لثمالــه

لو مالعود احترق مابان طيبــــــه = لوحة الرسام مصنعها خياله

صاحب الحق الذي طول مغيبــه = مايكفي عنه من جاب الوكاله

كان حي الله يحيه ويجيبـــــــــه = وكان مات معوضينً بالجزاله

صمموا قبره وحطوله نصيبــــه = واكتبوا في لوحة المرقد رساله

وش نبا من عيشة الزهد الكئيبه = لا جفاك الدار دور لك بداله

وان لحقك عتاب من ربعك عتيبه = قول علمًٍ شاعر اهل السيل قاله