مجاراتي لقصيدة الامير خالد الفيصل

[حمود بن خيشوم العصيمي]

قصيدة الامير خالد الفيصل

أسابق الساعة و تسبقني الساعة=تقضي وانا توني بأوَّل ثوانيها
ابشتري و قت وين اسواق بيّاعه=يا اللي تبيع الدقايق حدّ و اشريها
قلبي يبي وقت لو الوقت ما طاعه=و عيني تبي شمس لو الشمس تعميها
و نفسي مثل باقي الأجواد طمّاعه =أبي أجدد على الفرحة لياليها
لا شكّ الايام للفرحات مناعة=لو نوّرت ليلةٍ عشرين تطفيها
يظهر ثبات الفتى و النفس مرتاعة=خوف على اللي نحبه من بلاويها
لو ان كلٍ ينال مناه بذراعه=خذيت حقي من اقصاها و دانيها
المشكلة انك يا بو لحظين بتّاعه=تاخذ سلاحي من الكفين و اعطيها
و انا ادري ان العيون السود خدّاعة=لاشك ودّي أصدق منك داعيها
و المهتوي لا اهتوى ما يطوي شراعه=يمشي على النار كنّه ما وطى فيها

مجاراةالشاعر/ابوجزاء

يامل قلب(ن) عليل وثور اوجاعه=قصيدة(ن) خالد الفيصل مسويهـا
بعض القصايد تخل القلب قرقاعـه=تلعب باحاسيس كاتبهـا وقاريهـا
لاحافها الشاعر اللي راهي(ن)باعه=قامت تسابق على المعنى قوافيهـا
تجيك تجمع عبير الشعر وابداعـه=لابد تشملك فـي بعـض معانيهـا
ليتك توحى على قلبـي بسماعـه=كنك على هاجس(ن) فالقلب بانيها
يامير اخذ حلم قلبي عندك وداعـه=غيب احلوم العنا عن وجه راعيها
اما ارمها في قليب(ن)مالها قاعـه=والا انت يامير حققهـا وعطنيهـا

صح لساااااانك

الشاعر/ابوجزاء

أبدعت وجاريت قصيده شامخه أكملتها لك بعاليه لتتضح معالم الجمال الشعري

تحياتي