الشهيب إلى رتبة لواء

[وصل الشهيب]

أخواني هنا في منتدانا الرسمي
إحتفلت قبيلة الشهبه بترقية إبنها / عبدالله بن عبدالعزيز الشهيب الثبيتي.مدير شرطة ينبع إلى رتبة
لواء
حضر الحفل عدد من شيوخ القبائل وعدد من كبار الضباط وعدد من الشعراء
إليكم مشاركتي بهذه المناسبه

سلام ياربعٍٍ لهم حاضر وله ماضي مجيد=أقولها من طيب قلب وصدق نيه صافيه
وهم ذوي مستور .نعم الجد وانعم بالحفيد=في مدحهم لو تكثر الأمداح ماهي كافيه
الله يرحم جد عودهم على حب المسيد=أضفى عليهم من ثياب الدين كسوه ضافيه
الدين.من ميزاتهم.والعند للخصم العنيد=أهل الكرم والبورده.ماتخطي الأهدافيه
جينا نهنيكم يبو متعب على الفخر الجديد=تستاهل برتبة لوا.فخراً على الأكتافيه
وانته جديراً بالثقه تبني على الساس الجويد=إخلاص مايستغرب وقول وفعل ينشافيه
نموت ماخنا الوطن.من مات من دونه شهيد=ونموت مانبدي على الأعدا علوماً خافيه
في ظل أبو متعب ولانا كل يوماً في مزيد=الله يطول عمره ويسبل عليه العافيه
ولي عهده.عشت ياسلمان يانعم العضيد=قلباً فطين وعيناً عن الشعب ماهي غافيه
الله يديم الأمن والإيمان والعيش الرغيد=و يحرق قلوب أهل الحسد في نار ماهي طافيه
وختامها.صلوا على المختار واصلًي وعيد=صلوا على المختار.من قلب ومشاعر صافيه

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[عثمان الثبيتي]

والله ونعم بالشهبه

وصح السانك يابو محمد

وسعادة اللواء يستاهل الرتبه والمدح

تحياتي لابناء عمومتي نفخر ونعتز بهم
اين ماحلوا

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[راعي القوافي]

صح لسانك يوصل هـ الابدااااااع الجميل