أستحليتي

[عادل البرقاوي]

أستـحـليتـي مـع قلبـي ضـلوعـه
وأستحليتي هوى الفكر ومـراده

أشعل الخافق على حبك شموعه
يا سيادة حب وللسادات سـادة

صار كل الكون يمشي لك بطوعه
وصرت أنا كلي تحت حكم القيادة

يـا غـلاك اللـي تفـرع بي فروعـه
من عروق الدم وينبض لك فـؤادة

وأعلن الشوق اضطراري ?ي وقوعه
وان نـاره فـي حريـق وفـي زيـادة

والسبـب بعـد المسـافة يالقطـوعـه
وإن في قربـك عـلااج ولـه عيـادة

أسـهـر الليـل وتعـانقـنـي دموعـه
يـا هـجـاد اللـي يحبـك يا هجـادة

والجنـون اللي خذانـي في ربـوعـه
قـادنـي يمـك بـلا قـصـد وإرادة

جيت كلـي والمشاعـر بك قنـوعـه
والغـلا والحـب وأنتـي لـي سيـادة

[عادل البرقاوي]

تعالي قربي لي وأجلسي يمي
تعالي ما بقى صبرٍ ولاني حي
تعالي لِ متى بقعد على همي
وأذوق الموت بغيابك وكلك لي
تعالي شوفي دموعي على كمي
تعالي حسي بصبري ولو شوي
أنا تهت وهدرت اليوم لك دمي
وأنا ضعت وتعبت ومَ بقى لي شيء
تعالي يوم ساويت بغلااك أمي
وأنا اللي ماتساوى بحبها لي حي

[عادل البرقاوي]

مدري علامي كل ما اشم عطرك
تطيح دمعة من عيوني تناديك
ومدري علامي كل ما مر ذكرك
أطيح أنا كلي من الشوق وابكيك
أذوب في حبك ونارك وسحرك
ياليت أغمض عين وافتح والاقيك
وأجيك أضمك يم صدري بكبرك
وأحضن يدينك يابعد روح مغليك
باقي على حبك وظنك وخبرك
ومهما يطول البعد مانيب ناسيك

[عادل البرقاوي]

وطيت بدربك ومدري وش اللي جابني لعالمك
مشيت الخطوة الأولى على أرضك وميدانك

ولا أدري ويش بحكي لك ولا أدري ويش أبى أفهمك
أنا مدري وش اللي دلّني قلبك وعنوانك

نسيت الكون من حولي وجيتك كلي مسلّمك
رضيت بصدفة الأقدار وقلبي طق بيبانك

بدت روحي وقلبي ينبض وكلي نوى يحكمك
وأثاري حكمك اللي سابق وشفني على أوطانك

[راعي القوافي]

صح لسانك على ما اوردت هنا يا البرقاااااااوي