قالت غيابك طال والصد طوّل\كلمة وصل في عالمك ويش تعني؟

[رائد العصيمي]

سلام عليكم


مصافحة جديدة لعلها تروق لكم بعد الغياب


يقول

قالت غيابك طال والصد طوّل
كلمة وصل في عالمك ويش تعني
وصلك من رجوم الغلا ليش حوّل؟
وقلبك من صياح الوفا ماسمعني
قلت العذر يامالك القلب الاول
ابغى السموحة ظرف قدري منعني
ظرفي حداني والزمان المخوّل
ودي على العصيان ويقول طعني
صحيح منظر صدتي لك يهوّل
لكن جرح الصد جار ووجعني
انا بوسط الهم صرت اتجوّل
مدري شبعت الهم مدري شبعني
والا غلاك بداخلي ماتحوّل
وطيفك معي من وين ماامشي تبعني
صوت الحناجر في غيابك منوّل
تصدح بأشواق اللقاء وانت معني
اعذر حبيبك لو على الصد طوّل
واعرف ترا وقتي وهمي منعني

وسلامتكم

نقدكم وتقييمكم لها

فمان الله

[عبدالله الـعتيبي]

وعليكم السلام ورحمة الله وبركاته

مصافحه أكثر من رائع وراقت لي

وصح لسانك مقدما

[شفاي ابن بشيّر]

صح لسااااانك

ولاهنت

[راعي القوافي]

صح لسانك يارايد