ملخص اشهر معارك الجزيره لعتابه و نتائجها ؟؟من بو فيصل

[Bu_FAISAL]

اخي قحص انا ما ألفت القصيده بنفسي عشان ترد علي هكذا

ثانيا باعطيك قصيده عبدالرحمن العطاوي العتيبي كاملة و من مصدر عتيبـــــي من الباحث التاريخي الكبير الدلبحـــي
يعنى عتيبي + عتيبي = كم عندك ؟
و متى ما قدرت تقول ان العطاوي و الدلبحي مهب عتبان ذيك الساعه لك الحق تقول اني مهب عتيبي ؟؟؟؟؟؟؟

يقول الشاعر الكبير عبدالرحمن العطاوي العتيبي ، في قصيدته

أصل العرب مهوب توه يعرف = بالجاهلية قبل الإسلام معروف
نسب هوازن بين الأمة مشرف = ومجادها في الناس طوفٍ ورى طوف
يابن عطا لو أصل جدك محرف = وعند العرب توه غطا الجهل مكشوف
انتم صحيح من العرب لو تطرف = منزالكم يا مرويت شلف وســــيــوف
وأنا أشكر اللي بالكتابة تصرف = ربط فروع الأصل بالأصل بحروف
يالعازمي لا ما نطيع المخرف = حديث جهال العرب كلهـــا ســــوف
أنتم سـلالة من على الجال شرف = هوازن اللي فيه أمن عن الخــوف
خذ الخبر مفتوح ما هو مظرف = يا عازمي فيك نوفٍ ورى النوف
أنت ابن عمي وترك اللي تجرف = يابن هوازن مدها الكف بكفوف

و رد عليه هنا الباحث عبدالله الهران العازمي

أبدي بذكر اللي بكون تصرف = أرسل نبيه وانزل الحق بحروف
حي الجواب اللي لفاني يشرف = من العطاوي ما وصلني بمظروف
الأصل ماهوب يالعطاوي محرف = بالجاهلية قبل الإسلام معروف
نسب هوازن بالمحافل يشرف = أمجادها في صدر الإسلام معروف
لا يالعطاوي ما نطيع المخرف = كتاب جهال العرب بعضها زوف
وأنتم سـلالة من بذكره يشرف = هوازن اليا قلتها مابها خــوف
والشكر لإبن جامع اللي تصرف = وصل شقيقٍ مع شقيقه بمـعــروف
أصلي وأصلك يابن عمي يشرف = متسلسلٍ في كتب الأنساب مشـيوف
هذا جوابٍ لك ولا هو مظرف = يابن العطاوي ما على أصلكم نوف

فلما عرف الشاعر الكبير عبدالرحمن العطاوي العتيبي ان الباحث عبدالله الهران العازمي رد عليه قال :

أقول ياعبدالله العلم ياصاح = ماهوب توه من سنين قديمه
يوم الفوارس بينهم زرق الأرماح = مذكر بني عازم عليهم هزيمه
هوازن يرسون والناب كلاح = أيامهم بين الخلايق عظيــمـه
لايزعجك يابن العرب كل نباح = كل الهروج اللي تجيلك عقيمه
وسلم ودم ياراس عامر بالأفلاح = لاتنشغل بأهل العقول الســقيمه

فرد عليه الباحث عبدالله الهران

فرديت عليه بهذه القصيدة التي أقول فيها :-

اسمع يابونواف والعلم صداح = مثل الخيال اللي يشوق رزيمه
يوم الفوارس بينهم قطف الأرواح = وروقٍ على العليا وكسب الغنيمه
مرسى هوازن صح والناس الأصحاح = أخبارهم بين الخلايق مقيمه
والكلب مايزعج ولا هم جراح = علومنا صدق وعليها وسيمه
وسلم ودم ياراس عامر بالأصلاح = لا تنشغل بأهل الحكي والنميمه

اسجل اعجابي بالشاعر الكبير عبدالرحمن العطاوي الروقي العتيبي و خاصه بصيغه الجمع بهذا البيت و اتمنى تفهم قصده عدل

يالعازمي لا ما نطيع المخرف = حديث جهال العرب كلهـــا ســــوف

و تنبيه قحص ان اذا بغيت ترد رد على الشاعرالكبير العطاوي العتيبي و المؤرخ الكريم الدلبحي العتيبي