السلام عليكم و رحمة الله و بركاته
من العايدين و كل عام و أنتم بخير
إليكم هذا الإهداء المتواضع و الذي أتمنى أن ينال قبولكم مع أطيب التحية :
أرقا مع القمرا واحوّل مـع الليـل=وابني على صدر الثرى منزل(ن) لي
أسرج على كف القدر صهوة الخيل=واقـول يارجـل افطنـي لا تزلـّي
اسهر على دله من البن و الهيـل=واذكر ليال(ن) فـي زمان(ن) (ا)مولّـي
أبكي على حالـي واردّد مواويـل=واقـول ياقلـب العنـا لا تمـلـّي
اصبر كما صبر الركايب على الشيل=اللـي بثقـل احمالهـا مـا تكلـّي
ويلك عرفت الحب ويلك منه ويـل=ويل الرضيع اللي عن امـه يتلـّي
جوه الجماعه ثم شدوه بـا لحيـل=وودّوا نعشهـا للمطـوع يصلـي
والا كما اللي قد جرف عشها السيل=من فوق ضلع(ن) شامخ(ن) و(ا)متعلـّي
وعيالها وسطه تشـوف الغرابيـل=وهي على الضفه وياعيـن هلـّي
تبكي على حظ النـدم و البهاذيـل=والصـدر بالبيـدا تحكـه (ا)بغلـّي
لين انها صـارت بقايـا شماليـل=وللذاريـات تقـول تكفيـن شلّـي
أبو هـــــــــــــــوازن