أهل محبتكم دعاية و أكاذيب *** تتكهنون إن الهوى صافي لي
في محفظتكم فرحتي يا معازيب *** رسالـــة عنوانهـا من محلي
عطوني أقراها و اوسع لها الجيب *** جيب القميص لحملها ما يملي
مكتوب يطلع لي بطية مكاتيب *** ولعل مكتوب الحبايب يسلي
من دمع عيني ما قريته بترتيب *** ساعة نشرت قمت ارحب و اهلي
و اشوف يا مكتوب فيك التعاجيب *** المنشي أصبح ما قطع عبرة لي
لكن يا ترحاب و أجمل تراحيب *** واللي نقص من شرحكم جايز لي
لنا يا ابو خالد عليكم مطاليب *** أخباركم بأقلامكم ونسة لي
وإن سلت عني مستقيم على طيب *** ارعى حقوق الله و اكبر وأصلي
عن فرض ربي ما تهاون ولا أغيب *** مكة و أنا في إنجلترا قبلة لي
و في واجب الله بذلنا التسابيب *** وخدمة حبيب المملكة غاية لي
وعبد الله أرسلنا لكسب و تجاريب *** يبي رجال بالعمل تستقلي
إن ما وفينا معه حياتنا عيب *** أحسن نروح مع البهايم نفلي
لاهنت ياجري على المشاركه الطيبه
« آخـــر الـــمـــشـــاركــــات »
29-Jun-2003, 03:49 PM
العرض الشجري