السلام عليكم ورحمة الله وبركاته
مساء الخير اخوي ذيبان
هذه الابيات انتشرت على انها لغز وهي ليست الا بداية قصيده لشاعر اللي يعرف اسمه يتفضل بذكره يقول فيها
طفله صغيره عمرها سبعة اعوام= تاقف بعز القيض ترعى غنمها
القيض ماخلا سوا جلد وعظام= الطول طول اللي وسط من بهمها
مسكينة تعجز على قولة اللام=واليا نوت ترتاح جاء من نهمها
تمشي بحر وشوك والناس نيام=من كثر ضرب الشوك تنزف قدمها
تبكي مثل منهو قريص من السام=ومن البكا يبكيك شهقة نسمها
تبكي وتشكي فعل ابوها للايام=ملعون ابوها ياعرب مارحمها
طفله بريئه والطفوله لها حزام= حزامها يوم الولي به حزمها
في عالم مجنون تلطم وتنظام= تبغى السعاده مير ابوها حرمها
يالله يادايم وغيرك فلا دام= انك تجازي واحد هو ظلمها
ويالله ياللي لك نصلي وصيام= سحابة بالقيض تاقا لحمها
« آخـــر الـــمـــشـــاركــــات »
04-Mar-2006, 11:02 PM
العرض المتطور
