مشاركة اولى\\جرحٍ بذرة الوقت

[مقعد العازمي]

قبل امس يانايف تنشد عن قصيدي من عصير = وتقول عطنا من جديد الشعر نسمعك وقله
والبارحة دارت هجوسي بالمدى وانا سهير = وافكار شعري بالهواجس مجنبات ومشمله
أدير فكري فالصبر بالذات في صبر الضرير = واقول جعل الله يعين مصاحبين الغلغله
والله يعين معاشرين الصبر ماغيره عشير = كلش صبر لين العمر تاليه جا مثل اوله
لاحاجةٍ تقضى ولا فرحة ومجهول المصير = يبقى الحزن وياه في داخل ضلوعه منزله
ويوم انهزع ليلي وانا اهوجس وجا الثلث الاخير = ونيتلي ونة سجينن والسجون مقفله
ونة سجينن فالسجن مطروح ماعنده شوير = يهرج الجدران عن ظلمه وجرمٍ ما افعله
ويقول ياليت الممات اعتادني وانا صغير = اخير لي من ظلم هالكون الوسيع ومن هله
من عقبها اخذت القلم قلت اكتب الجرح اتعبير = جرحن بذره الوقت في صدري وعاد وسنبله
جرحن مثل زرق الرماح اللي على الضلع القصير = اذا شكيته معضله واذا جحدته معضله
وشلته معي حملن مطاولني مثل حمل البعير = اخاف اطيح وتكثر طعوني ولا عاد انقله
صحيح مادري عن نهايتها لكن الله خبير = هو عالمن بالونة اللي فالضلوع مجلجله
وانا اعلم ان الحظ عاثر فالوقوف وفالمسير = وماطاب جرح الا ادري ان جراح مثله مقبله
واللي جروحه من هوى ماله على الدنيا نصير = ما احدن يعالجها ويبقى الدمع عينه تهمله
وانته يابو عينن هدبها سود منقطع النضير = كم لي وانا ادله خفوقي عنك لكن مادله
ياليت لي جنحان كان اكفخ بها وابعد واطير = أو شين يزيلك من امر الذاكرة واستعمله
اصمل على الفرقا واصافحها واعود واستخير = واقول جعل الله يسهلها ولو ماش اسهله
ودي بسج الرجل عن دنياك بس عيت تسير = الا بدربن ياصلك تاليه لوهي تجهله
وقد قلتلك يازين لاتبعد وقلت يصير خير = بس اصبر اشويه علامك عجل ذابحك الوله؟
قلت ايه ذابحني وابي لاماك يالبدر المنير = يادربي اللي راح عمري ماقدرت اكمله
قبلت ظلم الوقت وطعونه وتأنيب الضمير = واقبلت ثم اقفيت مالله راد حل المسأله
ووطيت في جمر الغضى كني على ماطا حرير = ولا انتهي من مشكله غير ابتدي في مشكله
أهوم نفسي بس وين الحظ والمال الوفير = اللي يسد حلوق ناسن لو لحاها مقذله
ناسن تضاهر بالنقى وافعالها سو المصير = تظهر خشوع الدين والنيات سود ومخمله
لوتملك الدنيا ومافيها تبي كثر الكثير = واقدام رجلي واليدين بفقرهن مسلسله
بغيت اضمك في حياتي صرتي امرن مايصير = باسباب ذنبن ما فعلناه انكتب نتحمله
ذنب الجهل واقفاية الدنيا وانا صرت الاسير = والحكم صدّق وانقضى ما عاد فالوقت امهله
واليوم ابسلا سامحيني دوري غيري خشير = يقدر على اللي ماقدرته والحلوم اتمله
مادامها ماجات بالمعروف والقربى وتقدير الكبير = ماعاد لي نيه على وصلك ولا عاد اقبله
لعلها خيره وعل الله يعوضني بغير = واللي حرمني منك جعله ينكبه سو اعمله
والله يعجله جزاه ويونس الشر الشرير = ادري بربي ممهله لكن مالله مهمله
روووحي وصدي عن دروبي ياعسى دربك سفير = وان شفتي دروبي جنوب اقفي وصدي مشمله

[أبو مرحبا]

مقعد العازمي




صح السانك قصيدة رائعة

ننتظر جديدك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[علي الثبيتي]

صح لسانك مليون يالعازمي

رائعه ر ائعه مشكور يامبدع

التوقيع

ماني بلا روقي ولا برقاوي = انا ثبيتي جد روق وبرقا

[روقي الجمش]

السلام عليكم ورحمة الله وبركاته.

أخي / مقعد العازمي .

قصيدة جزلة وبداية موفقه وصح لسانك وتسلم على الأختبار الموفق . أتمنى لك التوفيق في المشاركات القادمة .

لك مني كل الحب والتقدير .

والســــــــــلام ،،،

تقبـــــــــلوا تحيــــــات / روقي الجمش .

[حجيلان]

السلام عليكم ورحمة الله وبركاته


مقعد العازمي
صح السانك على هالرائعه الجزله
وبما ان هذه هي اول مشاركه
وبهذه القوه نتمنا المزيد

وتقبل تحياتي


مادامها ماجات بالمعروف والقربى وتقدير الكبير
ماعاد لي نيه على وصلك ولا عاد اقبله
لعلها خيره وعل الله يعوضني بغير
واللي حرمني منك جعله ينكبه سو اعمله
والله يعجله جزاه ويونس الشر الشرير
ادري بربي ممهله لكن مالله مهمله
روووحي وصدي عن دروبي ياعسى دربك سفير
وان شفتي دروبي جنوب اقفي وصدي مشمله

[خلف بن مرزوق]

...
..

مرحبا مليار في مليار

بالشاعر العذب : مقعد العازمي


قصيده رائعه جدآ جدآ ولاتستغرب من شاعر عرف بالجزاله والابداع


صح لسانك وسلم بنانك

ودمت للاثراء



مودتي

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[فيصل المسعودي]

مقعد


والله مدري شقولك


لكن اقول دمت للشعر ودام لك


شاعر عرفت كيف تتعامل مع الكلمه وكيف تحبك القصيده


صح لسانك


تقبل شكري وتحياتي

[الــوآفــي]

اللـــــــــــــــــــــــــــــــــــــــــــــه واكبر


صح لسانك يالذيب


صح لسااااانك مليوم يا مقعد


متابعينك يالغالي


اخووك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[الوليد العتيبي]

صح لسانك ياغالي

في انتظار جديدك


تحيات اخوك

[مقعد الدغيلبي]

صح اللساااااانك
يامقعد
أبداع*أبداع
من شاعر
جزل ومبدع
سجل أعجاااااااابي
بهاذي الفاتنه
لك موووووودتي

التوقيع