سلسلة قصائد معركة طلال

[لــيــل]

كما اسلفت لم تعجب اي من القصائد السابقه للامير مسلط بن ربيعان لان الفعل اكبر من مماذكر ومما سيذكر.

فقال سهاج بن غلاب بن ربيعان هذه القصيده التي لم ترضي الامير مسلط ايضا.

قال سهاج:


جانا النذير سرور وسعود جا اليوم..........يقدا الجموع الضاريات المهيلــــــه
وبقدرة الله راحوا اشتات وقســوم.........عقبان نجد اهل الفعول الجليلــــــه
بدر الدويش اللي من العام مسمــوم..........مبط يحايلنا على كل حيلـــــــــــه
ماخلقت الدنيا ولا الدين في يــــوم.........واللي تمنى حربنا نعتديلــــــــــــه
يوم من الجمعه على هلة التـــــــوم........عج الرمك كنه عجاج المخيلـــــــــه
سقنا لهم جمع من الغيض مزحــــوم........مثل الخيال اللي ثقيل مخيــــــــــله
اولاد روق اللي كما دولة الــــــروم........مروية حدب السيوف الصقيــــــــــله
ومركاضنا من عقبه الجمع مثلــــوم........ولبس الحداد اللي ينقض جديلـــــــه
ومن طاح لاراحم ولاهوب مرحــــوم........بموصلات بالعروق الطويلــــــــــــه
والكبد ماذاقت من الزاد مطعــــــوم........لين انكفتهم خيلنا فالدبيلــــــــــــه
ويا طير ياللي فالسما تكثر الحـوم........عان السدارا روسهم فالمسيلــــــــه
وفهد ولد سدحان في مذبح الـقوم........وراعي الرويضه ما لقا من يشيلــــه
الذبح تسعميه وزود بلملـــــــــــوم........عود من الروسان ربي مزيلـــــــــــه
وراك يالملوم تخمر مع القـــــــــوم........ما جا من الله ما معي فيه حيلـــــــه