وهذه القصيده الفائزه/
ماحلا المقناص في أيام الهداد=ومعك طير (ن) من طيور أبوسعيد
جير ماهو حر من طرح الحماد=ماركة تهجين لبيور العتيد
الطيور اللي عليها الاعتماد=من عوايدها ليا هدت تصيد
علم الله البشر ما شا واراد=وانتجوا طير(ن) على الساحة جديد
طرحت امه مع ذعاذيع البراد=وجات من سيبيريا دار الجليد
وطرح ابوه وضف ريشه بالمهاد=في جبل سنجار مابه طق أكيد
ومن خلال التقنيه..والاقتصاد=واجتهاد العلم والراي السديد
اجمعوهن ..واثمر من الاتحاد=طير في شكله وفي فعله فريد
أسود كالليل داكن بالسواد=افجح(ن) عرضه على طوله يزيد
من جلس في جانبه على انفراد=يشعر انه قرب شيطان(ن) مريد
ان قفيته..؟قلت يالليل الهجاد=وان نطحته..؟عنه ماتقدر تحيد
دق ريش..وجبر عظم..وهجر اياد=واكبس كفه ومخلابه حديد
عاري..وصدره عن الامتان باد=وعاتقه عاتق حنيش(ن) مايهيد
من خذا عن برقعه..جاد اعتقاد=ان هذا الطير له باس شديد
وجه قرم(ن)فاتنفي يوم الطراد=مرخص عمره يبا راس العقيد
واجمل وصوف..؟ليا صار العناد=ودار مابين الصقاقير الوعيد
راح صقاره على ظهر الشداد=متراكي..مثل هارون الرشيد
أشجع من الزير ومن ابن عباد=واقطع من ذياب غانم وابوزيد
كان جيت لسرعته؟..طلقة زناد=صيدته..ماهي برايحتن بعيد
عيبه ليا حق بالطلع الوكاد=يصطفق وتجيه مثل ام العبيد
من يحوفه مالقا فيه انتقاد=منوة الصقار فيه اللي يريد
من طيور اللي يحكمون البلاد=الشيوخ مطوعه راس العنيد
الله الله الله
قصيدة ولكن...
اشعر بأني اقرأ الشعر لاول مرة
وكأني ارى الطير امامي عندما اقرأها
:
الف الف الف الف مبروووك لقبيلة الهيلا الانجاز الجديد
والف مبروك لها هذا الشاعر : فارس عبدالله العتيبي
والله يوفقه ويزيده من فظله
شكرا ياقحص
.
« آخـــر الـــمـــشـــاركــــات »
22-Sep-2006, 03:48 PM
العرض المتطور
