اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
01-Oct-2006, 05:05 PM | رقم المشاركة : 21 | |||
|
اول شي حياكم الله انا لي رد على هالموضوع اللي كثرة رواياته وكثر الخلط فيه وكل واحد يجيب ويكتب على كيف ونا احترم الأخوان كلهم موضوع ابن مدلج اللي انا اعرفه وسمته من شيابنا اللي مات واللي حي منهم ان أبن مدلج كان خوي لحمدان بن مسعد ودخيلن عنده وبعد ما اخذو المزاحمه بن مدلج وودوه للعرافه انتخى حمدان بن مسعد بالدلابحه الموجودين ومنهم شارع الغويري ان خويه ماخوذ وهي كبيره في حق الدلابحه لو اسكتو عنه والا ماطالبو فيه والا حتى مافتكوه ( وهو موضوع مافيه مشيخه هذا موضوع فزعه ويهمهم كلهم لأن العيره عليهم كلهم ماهيب على شخص واحد ) المهم الرياجيل قالو نرجع دخيلنا لو بالقوه ولا تكون عيرةٍ علينا ليوم البعث ورجعوه وكان علمهم غانم وهم طيبين كلهم وفرسان اللي راحو في هاك اليوم وكل واحد يفتخر فيه اما قضيةالمشيخه فهي تختلف اختلاف كامل المشيخه او شيخة الدلابحه فيهي لذوي أأوسيمر من ذوي عصًاي اللي كان منهم زهيان بن أوسيمر بن عصاي ومحمد بن أوسيمر بن عصاي وحازم بن أوسيمر بن عصاي وشريم بن زهيان بن أوسيمر بن عصاي وفيحان بن شريم بن زهيان بن أوسيمر بن عصاي واللي يقولون حمدان بن مسعد شيخ للدلابحه هذا غير صحيح ولا حتى شارع الغويري كلهم فرسان ونعم وهم شيوخ على فخوذهم القريبه بن مسعد على ذوي مسعد وشارع الغويري على الغواريه وهم اكثر عدد من ذوي مسعد اثنا بداية الدوله السعوديه وقيام الملك عبد العزيز بتوحد المملكه والمعروف ان شريم بن عصاي ماكان في صف ولا مؤيد للملك عبد العزيز ولا كان الملك يحب شريم بن عصاي وكان حمدان بن مسعد يحاول انه يقرب من الملك عبد العزيز المهم انه كان من اللي ايدو في البدايه وطلب من الملك اعطائه هجره مثل هجر عتيبه الباقيه واعطاه القرين وهي اقدم هجر الدلابحه ونزل فيها مجموعه من الدلابحه وكان حمدان ومن بعده ولده خاتم بن حمدان بن مسعد امير هجرة القرين وبدا الخلط في موضوع المشيخه وشيخة والدلابحه لين طلب عمر بن ربيعان من عبد العزيز انه يعفي عن شريم بن عصاي وكان له ماأراد ونزل شريم في رفايع الجمش اللي الحين موجوده ونزلو اكثر الدلابحه في الجمش بعد مانزل شريم والكل يعرف انه مافيه دلبحي يستطيع انه ياخذ له مركز ألا لين يجيب ورقه من ابن عصاي بالسماح له وللمعلوميه لو ذوي عصاي حسده ومايحبون الخير لقبيلتهم كان ماشفنا اكثر قبيلة حصلت على المراكز هي الدلابحه وشوفو هجرهم كم عندهم هجره واللي يبي يتأكد يروح يسئل في امارة الرياض ويشوف سجلات اهل المراكز كيف حصلو عليها هذا توضيح مني لكم وللأخوان اللي يخلطون بين الشيخه والفروسيه كل او معظم افراد قبيلة عتيبه فرسان شجعان طيبين ومن حصل علمن غانم يستاهله والطيب وفعله يشرف القبيله كلها وارجو من الأخوان انهم مايخوضون في مسئلة الشيخ والشيخه وحتى رؤساء المراكز اللي مالهم 30 سنه يطلع ويقول انا شيخ القبيله وهو لا شيخ ولا يحزنون تحياتي للجميع |
|||
|
|
03-Oct-2006, 01:04 AM | رقم المشاركة : 22 | |||
|
المعذره ياخوان فيه بعض المعلومات نسيتها ماكتبتها في ردي السابق اول شي عن امارة الدلابحه الكل يعرف ان شريم بن عصاي كان امير في عرجا على قبايل طلحه الموجوده بعد ماعفا عنه عبد العزيز بن عبد الحمن حطه امير على عرجه هو قبيلته الدلابحه واللي معهم من قبايل طلحه وحدث مشكله بين الدلابحه والحماميد في عرجا واشتكو اهل عرجا لان شريم كان في صف ربعه الدلابحه ولا حاول انه ينهي المشكله اللي صارت وشهدو ضده من بني عمه ذوي عصاي اللي هم سالم بن نور بن عصاي وهوصان بن نوار بن عصاي بعد ماضحكو عليهم اهل عرجا ان نبي نحط واحد منكم امير والثاني وكيل له وشهدو ضد شريم وجا الخبر عبد العزيز وزعل على شريم ((وقال شهد شاهدٍ من أهله ))) وامر ان شريم يترك عرجا هو والدلابحه اللي معه ورحل منها شريم واللي شهدو ضده ماحصلو شي وبعدها بكم سنه جات مشكلة اهل البدايع و ذبحتهم من الدلابحه واللي كان امير الدلابحه في ذالك اليوم هو مرزوق بن حازم بن أوسيمر بن عصاي وهو شقيق شريم من امه والدلابحه رايحين غازين شمال ولا يبون اهل البدايع فيوم مرو بالبدايع يبغون يسقون خيلهم وجيشهم عارضوهم اهل البدايع يفكرونم غازينهم فارسل مرزوق بن حازم بن عصاي اثنين من الدلابحه واحد منهم عبدالله بن حميد بن مسعد والثاني من الغواريه والله نسيت اسمه وهو عجل بن الحلال وهو اللي استعجل في انه رماهم بعد ماتكلمو معهم وان عبدالله قالهم حنا الدلابحه وونبي نروي من الماء لحللانا ونمشي ماجينا نبي حربكم ولا غزوة لكم وقالو انًا مانبي الا الدلابحه والغواري عجل وظن انهم يبا يرمونه ورماهم اول وبدة ذبحتهم وذبحو الدلابحه منهم يجي السبعين والدلابحه مامات منهم ولا واحد ووصل العلم عبد العزيز ان شريم بن عصاي وجماعته ذبحو اهل البدايع وشريم ماله اي دخل في هالمشكله مما زاد الطين بله عند عبد العزيز ان شريم عاصي عليه ولا هو مأيد حكمه وزعل عليه واخذ شريم وقت من الزمن هو واللي معه من الدلابحه متخبين في جبال حليت غرب شبيرمه لين ان عمربن ربيعان تدخل فيه للمره الثانيه وطلبه من عبد العزيز وسمح له ولجماعته حتى ان عمر يوم طلبه قال له عبد العزيز اطلب كل شي الا شريم بن عصاي قال انا ماجيت الا ابي شريم ياعبد العزيز قال عبد العزيز له وراك ابلشتني في شريم يعمر عزالله اني ناوي اخذ حق الله منه وتراه جاك وتراني عفيت عنه وخله ينزل بالدلابحه في المكان اللي يبه ونزل شريم في رفايع الجمش ونزلو اغلب الدلابحه مثل مانتو شايفين الحين وهل البدايع اشتكو يبون الشرع في الدلابحه يوم ذبحو منهم حوالي السبعين وكان من الأسامي اللي قدمت لعبد العزيز شريم بن عصاي وخوه مرزوق بن حازم بن عصاي ومجموعه كبيره من الدلابحه قال كل هذولا تبون الحق منهم شرعها انا ونا اخو نوره يدفعون الدلابحه الديه لأهل البدايع اما انهم ينقصون كلهم هذا صعب . ويوم وقت ذوي عصاي الأولين من أوسيمر ثم زهيان ثم محمد ثم حازم ومن بعده شريم مايقدر اي دلبحي يقول انه شيخ والشيخه لهلها ذوي اوسيمر من ذوي عصاي ويوم جا فيحان بن شريم فيحان اجودي ويحب الخير لقبيلته وكل ماجاه واحدٍ وقال ابي اورقه ابي احط لي ديره اترزق الله عطاه لا ويساعده بعد والدوله تبي بعد اللي يفرق القبيلة ومتبي اللي يجمعها وياليت الخوان يفهمون معنى كلمتي هذ . ونا حبيت او ضح لكم وشكراً |
|||
|
|
12-Oct-2006, 12:43 AM | رقم المشاركة : 23 | |||
|
الاخ هوى بلاديول مع التحيه والتقدير ولمكانتي في قبيلة عتيبه ولمحبتي واعتزازي بان اكون احد امراء عتيبه ولعلو المكانه ومن حسن الخلق اقول الحق ولوكان على نفسي وانه من الافتراء وسوء الاخلاق الكذب وتزوير الحقايق وهذا ليس بمستغرب على هذا الجيل الذي بدا وكان لا وجود لمن يعلم اخبار الرجال وافعالهم اخي العزيز اتمنى ان تتراجع في اقوالك ليس من باب ارغامك ولكن حتى لا يسخر منك الاجناب ويا اخي العزيز سالفتك مسندتن وادي وشريم بن عصاي الله يعطيه الجنه ماهوب في حاجة سالفتك البارده واللي ذكرتهم في ذبح البدايع مالهم وجود ويوم عرجا معروف الامير من الراعي وانت تجاهلت اخو شرعا شارع الغويري امير الدلابحه وهذا للاسف حاصل من الضعفاء بعد ما شبعو وعينو خير ويا دلابحه عيني خير كل السمعه والمواقف تحت راية اخو شرعا ويوم القريه يوم اختلفتو وصار كلن رايه عنده وافترقتوا عن راي اميركم منهم هوصان اللي بغى الاماره ولا حصلة وقام يبلس على اومراه شارع وشريم وبيض الله وجه ابن حليمه وابن رازن.
|
|||
|
|
22-Oct-2006, 11:33 AM | رقم المشاركة : 24 | |||
|
ابن الشيخ !!!!!!!!!!!!!!!!!!!!
يعني افهم من كلامك ان الشيخه للدلابحه هي لشارع الغويري وذوي عصاي يتبعون له !!!؟ ابي اعرف منك يابن الشيخ منهو اللي تومر على عرجا من الدلابحه قبل امارة الحماميد واللي كان امير يوم صارة هوشت الحماميد والدلابحه في ذك الوقت ؟ وش تعرف عن ذبحة اهل البدايع ؟؟؟؟ عطني المعلومه اللي عندك نبي نعرفهااا يمكن فيه شي ماعرفه نورنا ياخي بمعوماااتك وش تعرف عن الصك اللي طلعه مقحم بن حازم بن عصاي على عبدالمحسن بن شارع الغويري في محكمة الدوادمي يوم ابن ربيعه رحمة الله عليه رئيس محاكم الدوادمي تعرف عنه شي والا علمني عشان اعلمك عنه . وهوصان بن عصاي على ماسمعت كان افرس واشجع الدلابحه وهو من قادة الشريف قبل لا ينهزم ويطلع من مكه ملاحظه : اخو شرعا وسبعين نعم امير ربعه الغواريه لكن امارة الدلابحه كبيره ياخي الأماره لذوي اوسيمر بن عصاي والمريكزات وامارة الحكي نعرفها يابن الشيخ !!! والدلابحه معينين خير وفي نعمه ( والدليل شف كم ديره وكم مركز وكم ختم وكم شيخ وكم وكم وكم ابي اعد لين اتعب هذا دليل انهم معينين خير ) والصحيح نبي نقوله والشيخه نعرف اهلها |
|||
|
|
29-Oct-2006, 12:41 AM | رقم المشاركة : 27 | ||||
|
اقتباس:
مقحم بن حازم وكيل شرعي يمثل فيحان بن شريم ويمثل ذوي عصاي من الدلابحه فقط وفيه غيره إثني عشر وكيل من الدلابحه مكانتهم بمنزلة مقحم كلهم وكلاء وقد صدر بحقهم جميعاً صك شرعي مميز يقضي بتكليفهم بدفع جميع ماترتب على قبيلة الدلابحه من ديات وأصل الحكم الصك الشرعي موجود عند الغويري ولدى الوكلاء صور منه وإذا لم تطلع على الصك أذهب لأحد الوكلاء أو تذهب لأبناء الامير عبد المحسن ليطلعوك على الصك وإذا لم تتوقف عن كلامك الي يفتقر للمصادر سيتم أخبارك بأشياء لاتخطر على بالك |
||||
|
|
29-Oct-2006, 02:58 AM | رقم المشاركة : 28 | |||
|
ياعتيبي هاك القصة والتأكيد لكللامك ماعليك من ورعان مطير اللي ماجت غير امس
الأمير/شارع بن زبار الغويري تولى اماره جماعته بعد والده......وذكرته المصادر التاريخية الاخبارية حينما لجأ الى الدلابحة الأمير (عايض بن مدلج )أمير ذوي ميزان من مطير خوفا من الامير سعود بن عبدالعزيز آل سعود (سعود الكبير) حينما كان مع شيوخ عتيبه مغاضبا لابن عمه الملك عبدالعزيز... وذهب به الدلابحة ليشفعوا له ولكن الأمير سعود الكبير سجنه... وقاد الأمير شارع مع الأمير حمدان بن مسعد جماعتهم الدلابحه إلى مخيم الأمير سعود والأمير سعود خارج المخيم وأخذوا ابن مدلج من السجن والحديد في يديه ورجليه اخوي الصدوق انت عليك شرهه ولا تزعل مني الحين أنت تنتظر اعتراف من المطران هههههههه عتيبه فعلها وسمعتها ماتحتاج شهادة من ورعان منتديات مطير ولا غيره |
|||
|
|
29-Oct-2006, 11:55 PM | رقم المشاركة : 29 | |||
|
بسم الله الرحمن الرحيم
الاخوان أعضاء الاداره والمشرفين الاخوه أعضاء المنتدى والزوار كـــــــــــــــــــــــــــــــل عــــــــــــــــــــــــــــام وأنتـــــــــــــــــــــــــــــم بخـــــــــــــــــــــــير أعتذر عن البعد واعلم مدى تقصيري بالمشاركه واثراء هذا المنتدى ولكن يعلم الجميع مدى المسافه والبعد وظروف الغربه والدراسه ولكن بالنهايه تظل اللهفه تقودنا والشوق بسبقنا لهذا المجمع الرائع وكلي وله لحبي الاول(عتيبه): أشكر جميع المشاركين مع اختلافي في حدة المشاركات وخاصه من الاخ هوى بلادي والذي بلاشك يريد عزا لاناس معينين وبعثره اناس اخرين مع احترامنا جميعا لكل فرد في هذه القبيله الشامخه (عتيبه)بكل كل طفل لانه سيصبح رجلا يعادل مئات الرجال. مشعل المحياني تحية ود ومحبه لك |
|||
|
|
04-Nov-2006, 06:40 AM | رقم المشاركة : 30 | |||
|
الأخ النجم الساطع
اقتباس: وش تعرف عن الصك اللي طلعه مقحم بن حازم بن عصاي على عبدالمحسن بن شارع الغويري في محكمة الدوادمي يوم ابن ربيعه رحمة الله عليه رئيس محاكم الدوادمي تعرف عنه شي والا علمني عشان اعلمك عنه . ياهوى بلادي أغسل وجهك بالماء البارد حتى تصحى وتعي وتفهم الي بقوله لك لانك وحده من ثنتين يانك يضحك عليك وتعطى معلومات خطاء أو انك مع الخيل ياشقراء مقحم بن حازم وكيل شرعي يمثل فيحان بن شريم ويمثل ذوي عصاي من الدلابحه فقط وفيه غيره إثني عشر وكيل من الدلابحه مكانتهم بمنزلة مقحم كلهم وكلاء وقد صدر بحقهم جميعاً صك شرعي مميز يقضي بتكليفهم بدفع جميع ماترتب على قبيلة الدلابحه من ديات وأصل الحكم الصك الشرعي موجود عند الغويري ولدى الوكلاء صور منه وإذا لم تطلع على الصك أذهب لأحد الوكلاء أو تذهب لأبناء الامير عبد المحسن ليطلعوك على الصك وإذا لم تتوقف عن كلامك الي يفتقر للمصادر سيتم أخبارك بأشياء لاتخطر على بالك لو تكرمت انا ابي اعرف هل الدلالبحه يدفعون الديه للغويري وجماعته ؟ والا الصك اللي طلع ليش طلع وش كانت الدعوى مرفوعه عليه اصلن ياليت تاجاوبني ؟ ومنهم الوكلاء الأثني عشر اللي تقولهم عطنا اساميهم ؟ وياليت ونا اخوك ان كان قريت الصك والا عندك صوره والا شي ترفقه لنا ونا شاكر لك وممنووون بعد ونت تقووول اروح لعيال عبد المحسن الغويري اطلع على الصك واللي اعرفه ان الصك كان موجود عند فيحان بن شريم رحمة الله عليه , ياليت توضحنا اكثر " ولي رد على هالموضوع بس نقرا جواب الأخ النجم السااااطع !!!! وبعدين ياخي قلي وش هالأشياء اللي تبي تقولها ولا تخطر على بالي قلهاااا نبي نعرف حنا ونعرف الحقايق الأخ sultan والله ونا اخوك مابحث عزاء لأحد عن احد ولكن الصحيح بنقوله ولا حنا مجحفين في حق احد والشيخه نعرف اهلها ونعرف بني عمنا زين الدلابحه ونعرف البيوت اللي العرب تنصاها . والغويري وبن مسعد كلهم ونعم شجعان ومانقص من حقهم ولهم امارتهم على بني عمهم الغويري على الغواريه وبن مسعد على ذوي مسعد وكلهم ونعم وما شيخة القبيلة فهي لذوي اوسيمر بن عصاي واللي يبي يضلمهم ظالمن حظه . هذا اللي نعرفه وتعرفه عتيبه كلها ورح لأكبر واحد من شيوخ عتيبه واسئله ويعلمك الصحيح والا حتى الآسعود اسئلهم ونا اخوك ويعلمونك . |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|